- Astana soty «Azbýka jilia» qurylys kompaniiasy úleskerleriniń aqshasyn jymqyrý isi boiynsha 10 adamdy 8 jylǵa deiingi ártúrli merzimge bas bostandyqtarynan aiyrdy, dep habarlaidy Ult.kz tilshisi QazAqparat agenttigine silteme jasap.
"Astana qalasy Almaty aýdandyq №2 sotynyń 2016 jylǵy 28 qarashadaǵy úkimimen «Jeti-Jol», «Garant», «Komsomolskii», «Sadovye kvartaly», «Ekspo Siti», «Expo Town», «Aisanam De Luxe», «Komfort De Luxe», «Dinastiia» turǵyn úi keshenderi úleskerleriniń aqshalai qarajatyn jymqyrǵandar qylmys jasaýda aiypty dep tanyldy jáne túrli jazalaý sharalaryna kesildi», - delingen qalalyq sottyń saitynda. Eske sala ketsek, atalǵan is boiynsha 10 adam sottalýda.
2011-2015 jyldar aralyǵynda Nurseiitova A.O. birneshe sybailasymen - Ospanova S.H., Omarov M.A., Omarov E.K., Omarov M.K., Miroshnichenko V.P., Moldahmetov J.M., Nosýlenko O.V., Jumahanov I.K., Jákishev R.T. jáne ózge de tulǵalarmen aldyn ala kelisý arqyly asa iri kólemde ózgelerdiń múlkin urlaǵan.
Sottalýshylar zardap shegýshi-investorlardan Astana qalasynyń aýmaǵynda salynyp jatqan turǵyn úi keshenderindegi baspanalardy satýdan túsken aqsha qarajatyn alyp, ony maqsatsyz túrde, ózge turǵyn úi keshenderiniń qurylysyn aiaqtaýǵa jumsaǵan. Sondai-aq aýylsharýashylyq kásiporyndaryn qarjylandyrǵan, onyń ishinde «Azbýka jilia» kompaniialar tobyna kiretin saýda kásiporyndary da bar.
Sot úkimimen Miroshnichenko V.P., Omarov M.A., Ospanova S.H., Omarov M.K., Nurseiitova A.O., Jumahanov I.K., Omarov E.K., Moldahmetov J.M., Nosýlenko O.V., Jákishev R.T. QR QK 189-baby, 4-bóligi (Senip tapsyrylǵan múlikti asa iri kólemde iemdený nemese talan-tarajǵa salý) boiynsha aiypty dep tanyldy.
Jákishev R.T. men Moldahmetov J.M. jazasyn jalpy rejimdegi túzeý koloniiasynda óteýmen 8 jylǵa bas bostandyǵynan aiyryldy. Jumahanov I.K. jáne Nurseiitova A.O. jalpy rejimdegi túzeý koloniiasyna 7 jylǵa qamaldy. Miroshnichenko V.P. 6 jyl berildi, biraq onyń kishkentai sábii bary eskerilip, úkimdi oryndaý bes jylǵa keiinge qaldyryldy.
Úkim zańdy kúshine engenshe Miroshnichenko V.P.-ǵa kepil túrindegi bultartpaý sharasy ózgerissiz qaldy. Ospanova S.H., Nosýlenko O.V., Omarov M.A. jalpy rejim koloniiasyna 5 jylǵa toǵytyldy. Omarov E.K. jazasyn jalpy rejimdegi túzeý koloniiasynda óteýmen 3 jylǵa kesildi.
Sottalǵan Jákishev R.T., Moldahmetov J.M., Jumahanov I.K., Nurseiitova A.O., Miroshnichenko V.P., Ospanova S.H., Nosýlenko O.V., Omarov M.A., Omarov E.K. qylmystyq nemese ózge de jolmen alynǵan múlikteri tárkilendi. Sondai-aq, olar 5 jylǵa belgili bir laýazymdardy nemese ákimshilik-ókim berý mindeti bar materialdyq jaýapkershilikpen bailanysty qyzmetpen ainalysý quqyǵynan aiyryldy. Omarov M.K. shartty túrde 6 jyl berildi jáne ol 5 jylǵa belgili bir laýazymdardy nemese ákimshilik-ókim berý mindeti bar materialdyq jaýapkershilikpen bailanysty qyzmetpen ainalysý quqyǵynan aiyryldy. Segiz sottalýshynyń bultartpaý sharasy kepil berýden qamaýǵa alýǵa aýystyryldy jáne olar sot otyrysy zalynda tutqyndaldy.
«Aisanam Otaý Astana», JSK «Aisanam DeLuxe-Ýspeh», JSK «Garant Ýspeh», JSK «Komsomolskii Ýspeh», JSK «Dinastiia-Orda», JSK «Komfort Ýspeh», JSK «Sadovye kvartaly Ýspeh», JSK «Jeti Jol Ýspeh», JSK «Ýspeh-siti» turǵyn úi keshenderi boiynsha zardap shegýshiler men zardap shegýshiler ókilderiniń materialdyq shyǵyndy óndirip alý týraly azamattyq talap-aryzdary qanaǵattandyryldy.
Zardap shegýshilerdiń azamattyq talap-aryzy boiynsha sot úkimin oryndaý maqsatynda sottalýshylar men «Azbýka Jilia» kompaniialar tobynyń barlyq múlkine salynǵan tyiymdar alyndy. Sot sheshimimen sottalýshylar men «Azbýka Jilia» kompaniialar tobynyń múlki zardap shegýshilerge keltirilgen zaqymdy óteýge jáne «Komsomolskii», «Jeti jol», «Garant», «Aisanam DeLuxe», «Komfort», «Dinastiia», «Sadovye kvartaly», «Expo City», «Expo Town» turǵyn úi keshenderiniń qurylysyn aiaqtaýǵa jumsalady.
Negizgi figýrant Erqanat Taijanovqa qatysty bólek qylmystyq is qozǵaldy.
