Májilis depýtaty Azat Perýashev «Jeke tulǵalardyń bankrottyǵy týraly» zańdy qabyldaý qajet ekenin málim etti, dep habarlaidy QazAqparat.
«Sońǵy kezde qoǵam men Májilistegi bizdiń áriptester tarapynan nesie raqymshylyǵyn júrgizý máselesi kóterilip keledi. Bul bastamaǵa pandemiia kezinde halyq tabysynyń tómendeýi men turalap qalǵan shaǵyn jáne orta biznesti eskere otyryp, nazar aýdarý kerek», - dedi A. Perýashev Májilistiń jalpy otyrysynda jariialaǵan depýtattyq saýalynda.
Osy oraida ol nesie raqymshylyǵan qatysty tabyssyz qalǵan adamdardyń talaby oryndy ekenin jetkizdi
«Degenmen bul talaptar azamattardyń únemi qaryz tuzaǵyna túsýiniń negizgi sebepterin sheshpeidi. Osy sebepti sheshpei, raqymshylyq týraly másele jyl saiyn qaitalana beredi», - dedi depýtat.
Osy oraida ol ótken jyly tabysy tómen adamdardyń bank qaryzdary 106 mlrd teńgege jabylǵanyn eske saldy. Alaida qazirgi kezde problema ýshyǵa túsken, óitkeni onyń sebepteri joiylmaǵan. Bul turǵyda eki sebep bar. Birinshiden, bankterdiń paiyzdyq talaptary negizsiz joǵary bolyp tur. Ekinshiden, jeke tulǵalardyń bankrottyǵy týraly zańnamany qabyldaý máselesi sheshilmegen. Bul qujat tólem qabileti tómen otbasylarǵa nesieden qorǵalýǵa, baspanasy men áleýmettik kepildikti saqtaýǵa múmkindik berer edi.
A. Perýashevtiń paiymynsha, barlyq ipotekalyq, tutynýshylyq nesie men shaǵyn jáne orta biznes úshin nesie paiyzdarynyń shekti stavkalaryn tómendetý boiynga sharalardy qabyldaý kerek. Sonymen qatar, «Jeke tulǵalardyń bankrottyǵy týraly» zań jobasyn daiarlap, talqylaýǵa engizý qajet.
«Bul qadamdar jasalmasa, nesie raqymshylyǵy týraly talaptar turaqty túrde jariialanyp turady. Bul óz kezeginde qarjy júiesine nuqsan keltiredi», - dedi Azat Perýashev.
Eske sala keteiik, jaqynda Májilis depýtaty Aiqyn Qońyrov jeke tulǵalar úshin keń aýqymdy nesie raqymshylyǵyn júrgizý qajettigin aitqan edi.
