مەجٸلٸس دەپۋتاتى ازات پەرۋاشەۆ «جەكە تۇلعالاردىڭ بانكروتتىعى تۋرالى» زاڭدى قابىلداۋ قاجەت ەكەنٸن مەلٸم ەتتٸ, دەپ حابارلايدى قازاقپارات.
«سوڭعى كەزدە قوعام مەن مەجٸلٸستەگٸ بٸزدٸڭ ەرٸپتەستەر تاراپىنان نەسيە راقىمشىلىعىن جٷرگٸزۋ مەسەلەسٸ كٶتەرٸلٸپ كەلەدٸ. بۇل باستاماعا پاندەمييا كەزٸندە حالىق تابىسىنىڭ تٶمەندەۋٸ مەن تۇرالاپ قالعان شاعىن جەنە ورتا بيزنەستٸ ەسكەرە وتىرىپ, نازار اۋدارۋ كەرەك», - دەدٸ ا. پەرۋاشەۆ مەجٸلٸستٸڭ جالپى وتىرىسىندا جارييالاعان دەپۋتاتتىق ساۋالىندا.
وسى ورايدا ول نەسيە راقىمشىلىعان قاتىستى تابىسسىز قالعان ادامداردىڭ تالابى ورىندى ەكەنٸن جەتكٸزدٸ
«دەگەنمەن بۇل تالاپتار ازاماتتاردىڭ ٷنەمٸ قارىز تۇزاعىنا تٷسۋٸنٸڭ نەگٸزگٸ سەبەپتەرٸن شەشپەيدٸ. وسى سەبەپتٸ شەشپەي, راقىمشىلىق تۋرالى مەسەلە جىل سايىن قايتالانا بەرەدٸ», - دەدٸ دەپۋتات.
وسى ورايدا ول ٶتكەن جىلى تابىسى تٶمەن ادامداردىڭ بانك قارىزدارى 106 ملرد تەڭگەگە جابىلعانىن ەسكە سالدى. الايدا قازٸرگٸ كەزدە پروبلەما ۋشىعا تٷسكەن, ٶيتكەنٸ ونىڭ سەبەپتەرٸ جويىلماعان. بۇل تۇرعىدا ەكٸ سەبەپ بار. بٸرٸنشٸدەن, بانكتەردٸڭ پايىزدىق تالاپتارى نەگٸزسٸز جوعارى بولىپ تۇر. ەكٸنشٸدەن, جەكە تۇلعالاردىڭ بانكروتتىعى تۋرالى زاڭنامانى قابىلداۋ مەسەلەسٸ شەشٸلمەگەن. بۇل قۇجات تٶلەم قابٸلەتٸ تٶمەن وتباسىلارعا نەسيەدەن قورعالۋعا, باسپاناسى مەن ەلەۋمەتتٸك كەپٸلدٸكتٸ ساقتاۋعا مٷمكٸندٸك بەرەر ەدٸ.
ا. پەرۋاشەۆتٸڭ پايىمىنشا, بارلىق يپوتەكالىق, تۇتىنۋشىلىق نەسيە مەن شاعىن جەنە ورتا بيزنەس ٷشٸن نەسيە پايىزدارىنىڭ شەكتٸ ستاۆكالارىن تٶمەندەتۋ بويىنگا شارالاردى قابىلداۋ كەرەك. سونىمەن قاتار, «جەكە تۇلعالاردىڭ بانكروتتىعى تۋرالى» زاڭ جوباسىن دايارلاپ, تالقىلاۋعا ەنگٸزۋ قاجەت.
«بۇل قادامدار جاسالماسا, نەسيە راقىمشىلىعى تۋرالى تالاپتار تۇراقتى تٷردە جارييالانىپ تۇرادى. بۇل ٶز كەزەگٸندە قارجى جٷيەسٸنە نۇقسان كەلتٸرەدٸ», - دەدٸ ازات پەرۋاشەۆ.
ەسكە سالا كەتەيٸك, جاقىندا مەجٸلٸس دەپۋتاتى ايقىن قوڭىروۆ جەكە تۇلعالار ٷشٸن كەڭ اۋقىمدى نەسيە راقىمشىلىعىن جٷرگٸزۋ قاجەتتٸگٸن ايتقان ەدٸ.
