Azamattyq qoǵam – memlekettik jáne kommertsiialyq qurylymdar sheńberinen tys qoǵamdyq qatynastar jiyntyǵy; erkin azamattardyń jáne erikti túrde qurylǵan kommertsiialyq emes baǵyttalǵan qaýymdastyqtar men uiymdardyń ózin-ózi tanytý salasy. Bul sala da keiingi jyldary qarqyndy damý ústinde. Máselen, sáýirdiń basynda Kókshetaý qalasynda «Azamattyq qoǵamdy damytýdaǵy blogosferanyń róli: bolmysy men bolashaǵy» taqyrybyn kótergen onlai formattaǵy halyqaralyq ǵylymi-praktikalyq konferentsiia ótip, osy jumystyń negizgi aspektileri sóz boldy, talqylandy.
Shoqan Ýálihanov atyndaǵy Kókshetaý ýniversitetinde ótken sharaǵa bilim jolyna túsken magistranttar men doktoranttar, oqý ornynyń professorlyq-oqytýshy quramy atsalysty. Sondai-aq, joǵary oqý oryndary men ǵylymi zertteý institýtynyń ǵylymi qyzmetkerleri de qatysty.
«Qazir áleýmettik jelilerdiń qoǵamdaǵy, qoǵam ómirindegi orny erekshe. Órkenietti qoǵam aqparat quraldarynyń, áleýmettik jelilerdiń damýymen jáne bostandyǵymen ólshenedi. Áleýmettik jeliler qazirgi órkenietti elderdiń bárinde de úlken saiasi kúsh bolyp sanalady. Memleket basshysy Qasym-Jomart Toqaev aiqyndap bergen «Halyq únine qulaq asatyn memleket» tujyrymdamasynyń basty maqsattarynyń biri de – qoǵamdyq sanany jańǵyrtyp, elimizde jańa saiasi mádenietti qalyptastyrý jáne ózara ornyqtyrý bolyp tabylady», - dep sóz sóiledi Shoqan Ýálihanov atyndaǵy Kókshetaý ýniversitetiniń rektory Marat Syrlybaev.
Oqý ornynyń rektorynyń aitýynsha, memleket basshysynyń bastamasymen qurylǵan Ulttyq qoǵamdyq senim keńesi qazir halyq pen memleket arasyndaǵy altyn kópirge ainalyp otyr. sonymen qatar qoǵamnyń bilikke degen senimin arttyrýǵa yqpal etýde.
Filosofiia, saiasattaný jáne dintaný institýtynyń direktory Serik Seidýmanov onlain formatta ótken jiynda «Blogosferanyń virtýaldy qoǵamynyń evoliýtsiiasy» taqyrybynda baiandama jasady. Sondai-aq onyń áriptesteri Soltústik Qazaqstan ýniversitetiniń birinshi prorektory Erbol Isakaev pen Ankara áleýmettik ǵylymdar ýniversitetiniń saiasi ǵylymdar fakýlteti halyqaralyq qatynastar kafedrasynyń professory Meriem Hakim birlesip, Qazaqstandaǵy tsifrlanýdyń basty baǵyttaryn atady. Sondai-aq tsifrlyq álemnen qoǵam men jeke adamdarǵa qandai qaýip qater tónetinin talqylady. Baiandama barysynda oiyn ortaǵa saldy.
Qazaqstan Respýblikasy parlamenti májilisiniń depýtaty Erlan Sairov «Elimizdiń qoǵamdyq damý úderisindegi áleýmettik jelilerdiń róli» taqyrybyn kóterdi.
Rasymen de keiingi on jyl ishinde áleýmettik jeli álem boiynsha, onyń ishinde elimizde qoǵamnyń, qoǵam ómiriniń bir bólshegine ainaldy. Saiasi jaǵdailar da sol áleýmettik jeli arqyly aiqyndalatyn jaǵdaiǵa keldi. Azamattyq qoǵamnyń damý týraly Qazaqstan halqy assambleiasynyń 29 sessiiasynda da sóz boldy. Ol jerde memleket basshysynyń úndeýinde «Táýelsizdikti, eldegi tatýlyq pen kelisimdi kúsheitýde Elbasynyń bastamasymen qurylǵan Qazaqstan halqy Assambleiasynyń qyzmeti airyqsha. Jalpyhalyqtyq institýtqa ainalǵan Assambleia – qundylyqtar men azamattyq ustanymdardyń tutastyǵyn nyǵaitty jáne ortaq maqsattar men mindetter aiasynda el turǵyndarynyń myzǵymas birligin qamtamasyz etip keledi. Assambleia azamattyq qoǵamnyń tiimdi institýtyna ainaldy, konstitýtsiialyq mártebege ie boldy jáne eldiń joǵarǵy zań shyǵarýshy organyna depýtattar sailaý quqyǵyn aldy», - dep atap ótti.
Azamattyq qoǵam – memlekettik jáne kommertsiialyq qurylymdar sheńberinen tys qoǵamdyq qatynastar jiyntyǵy; erkin azamattardyń jáne erikti túrde qurylǵan kommertsiialyq emes baǵyttalǵan qaýymdastyqtar men uiymdardyń ózin-ózi tanytý salasy. Bul sala da keiingi jyldary qarqyndy damý ústinde. Máselen, sáýirdiń basynda Kókshetaý qalasynda «Azamattyq qoǵamdy damytýdaǵy blogosferanyń róli: bolmysy men bolashaǵy» taqyrybyn kótergen onlai formattaǵy halyqaralyq ǵylymi-praktikalyq konferentsiia ótip, osy jumystyń negizgi aspektileri sóz boldy, talqylandy.
