Búgin Almatyda «Qoǵam jáne memleket: «Birgemiz» seriktestik pen damýdyń 30 jyly» atty IX Azamattyq forýmynyń qorytyndysy boiynsha Almaty ákiminiń orynbasary Erjan Babaqumarov úkimettik emes uiymdardyń ókilderine marapattar tabystady, dep habarlaidy "Ult aqparat".
Azamattyq forým – bul QR Aqparat jáne qoǵamdyq damý ministrliginiń qoldaýymen 2003 jyldan beri ár eki jyl saiyn uiymdastyrylatyn dástúrli alań. Biyl Azamattyq forým onlain-formatta ótkizildi.
Forým delegattary sarapshylyq, pikirtalas jáne oqytý is-sharalaryna qatysyp, ózderin qyzyqtyrǵan suraqtar qoiyp, Qazaqstan Respýblikasynda azamattyq qoǵamdy damytý boiynsha óz usynystaryn aitty. Atap ótetin jait, belsendiler Azamattyq forýmnyń taqyryby men kún tártibin qalyptastyrýǵa qatysyp jatyr.
Almaty Qoǵamdyq keńesiniń hatshysy Altynai Kóbeeva ózekti jáne júieli máselelerdi talqylaý úshin osyndai alańdardyń bolýynyń mańyzdylyǵyn atap ótti.
«Azamattyq qoǵam men memlekettiń ózara tiimdi is-qimyly úshin qoǵamshyldardy túrli deńgeidegi Qoǵamdyq keńesterdiń, Respýblika Prezidenti janyndaǵy Ulttyq qoǵamdyq senim keńesiniń jumystaryna, sondai-aq «Parlamenttik oppozitsiia» jańa alańyna tartý kerek. Eń bastysy - azamattyq qatysý múmkindigi úshin jaǵdai jasaý», - dedi A.Kóbeeva.
«Qamqorlyq» daǵdarys ortalyǵy jetekshisi Uljan Luqpanova forým uiymdastyrýshylaryna alǵysyn bildirdi.
«Búgin biz Azamattyq forým aiasynda úkimettik emes uiymdarǵa arnalǵan memlekettik syilyqqa ie boldyq. Bizdiń uiym týberkýlezben kúresý jáne migranttar arasynda týberkýlezdiń taralmaýyn baqylaý boiynsha jumys istedi. Memleket tarapynan bul iske qosqan úlesimizdiń baǵalaǵanyna rizashylyǵymdy bildiremin. Biz bul jumysty aldaǵy ýaqytta da jalǵastyryp, Almaty halqynyń densaýlyǵyn saqtaý isine odan ári úles qosqymyz keledi», - dedi Uljan Luqpanova.
«Deti risýiýt mir» qoǵamdyq qorynyń direktory Móldir Bekjan memleket qoldaýyna úmitin bildirdi.
«Memlekettiń kommertsiialyq uiymdarǵa kóńil bóletini jáne osylaisha bizdiń qyzmetimizdi yntalandyratyny qýantady. Biz jumysty shynaiy yqylaspen jáne shyn júrekten jasaimyz. Ásirese, memleket tarapynan oń pikir men keri jaýap alǵan qýantady. Bizdiń qorymyzdyń negizgi maqsaty - elimizdegi balalar men jasóspirimder shyǵarmashylyǵyn qoldaý, ilgeriletý jáne damytý», - dedi ol.
