«Azamattyq baqylaý – chekti talap et» jyl saiynǵy aktsiiasy 12 mamyrdan bastap ótkizilýde, dep habarlaidy "Ult aqparat" QR Qarjy ministrligi Memlekettik kirister komitetine siltememen.
Aktsiia sheńberinde azamattar fiskaldyq chektiń berilmeýine jáne banktik kartany qabyldaýdan bas tartýǵa qatysty buzýshylyqtar týraly habarlai alady.
«Azamattyq baqylaý – chekti talap et» aktsiiasyna barlyq adamdardyń qatysýyna bolady. MKK barlyq joldanǵan ótinishterdi memlekettik kirister organdarynda qaralatynyn aitty.
App Store jáne Play market-ten «Wipon» mobildi qosymshasyn tegin júkteý arqyly fiskaldyq chektiń berilmeýi jáne banktik kartany qabyldaýdan bas tartý faktileri týraly habarlaýǵa jáne buzýshylyq faktileri rastalǵan jaǵdaida telefon teńgerimine syiaqy (1000 teńge) alýyna bolady.
Aktsiiany júrgizý bastalǵannan bastap aǵymdaǵy jyly azamattardyń habarlamalary boiynsha 4262 buzýshylyq faktileri rastaldy, olarǵa 4262 mln teńge somasynda syiaqy tólendi (onyń ishinde qaita chek bermegen 191 kásipkerlerge 6,5 mln. teńge aiyppul salyndy).
Aktsiiany paidalanatyn azamattardyń belsendiligi boiynsha kóshbasshylar úshtigine Mańǵystaý (1 113), Soltústik Qazaqstan (1 016) jáne Qaraǵandy oblysynyń (993) turǵyndary kiredi.
Chek bermeý boiynsha buzýshylyqtar sanynyń kóshbasshylary Almaty oblysy, Soltústik Qazaqstan oblysy jáne Batys Qazaqstan oblysy bolyp tabylady.
Memlekettik kirister komiteti Qazaqstan Respýblikasynyń barlyq azamattaryn óz azamattyq ustanymyn bildirýge, zań buzýshylyqqa tózbeýshiligin kórsetýge jáne «Azamattyq baqylaý – chekti talap et» aktsiiasyna belsendi qatysýǵa shaqyrady.
