Qazaqstanda aviatsiialyq qyzmetkerlerdi daiarlaýdy halyqaralyq talaptarǵa jáne azamattyq aviatsiia salasyndaǵy halyqaralyq tájiribege sáikes keltirý áreketi QR Bilim jáne ǵylym ministrliginiń biliktilik talaptaryna qaishy keledi. Atalmysh ministrlik júrgizgen tekserý barysynda «Azamattyq aviatsiia akademiiasy» AQ litsenziiasy toqtatyldy, dep habarlaidy "Ult aqparat".
«2009 jyly Halyqaralyq azamattyq aviatsiia uiymy Qazaqstandaǵy aviatsiialyq qyzmetkerlerdi daiarlaýda birqatar sáikessizdikterdi anyqtady. Bul qazaqstandyq aviakompaniialardyń Eýropalyq Odaqtyń «qara tizimine» kirýine sebep bolǵan. Halyqaralyq aviatsiia uiymy 2016 jyly Qyrǵyz Respýblikasynda tekserý júrgizý barysynda da aviatsiialyq qyzmetkerlerdiń biliktiligi týraly eskertpe jasaǵan. Osy sebepti Qyrǵyz Respýblikasynyń aviatsiialyq qyzmetkerleriniń álemdegi barlyq memlekette, sonyń ishinde Qazaqstanda jumys isteýine tyiym salynǵan. Qyrǵyz Respýblikasyndaǵy 21 ushqyshtan kommertsiialyq aviatsiia ushqyshy ekeni týraly kýáligi qaitaryp alyndy», - deidi Azamattyq aviatsiia akademiiasynyń baspasóz qyzmeti.
Qazaqstanda aviatsiialyq qyzmetkererdi daiarlaýdy halyqaralyq talaptarǵa jáne azamattyq aviatsiia salasyndaǵy halyqaralyq tájiribege sáikes keltirý áreketi Qazaqstan Respýblikasy Bilim jáne ǵylym ministrliginiń biliktilik talaptaryna qaishy keledi.
«QR Bilim jáne ǵylym ministrligi júrgizgen tekserister barysynda «Azamattyq aviatsiia akademiiasy» AQ litsenziiasynyń qoldanysy toqtatyldy. 2012 jyly akademiia qaitalanǵan tekseristen óte almai, keiin sot arqyly litsenziiasyn qaitaryp alǵan. Dál osyndai jaǵdai búgin de oryn alyp otyr. Akademiianyń tekserisinen ótpeýiniń negizgi sebebi – aviatsiialyq injenerlik kadrlardy daiarlaý salasyndaǵy ǵylymi dárejeli mamandardyń jetkiliksizdigi», - deidi baspasóz qyzmeti.
Qazaqstan Respýblikasynyń áýe keńistigin paidalaný jáne aviatsiia qyzmeti týraly» QR Zańynyń 3-babyna sáikes – eger Qazaqstan Respýblikasy ratifikatsiialaǵan halyqaralyq shartta osy zańda kózdelgennen ózgeshe erejeler belgilense, onda halyqaralyq sharttyń erejeleri qoldanylady, alaida Bilim ministrligi bul talapty esepke almaidy.
«Halyqaralyq azamattyq aviatsiia uiymnyń negizgi talaptary – ǵylymi dárejelerdiń bolýy emes, azamattyq aviatsiia salasyndaǵy ýákiletti organmen bekitilgen sertifikatqa sáikes biliktilik deńgeii bar nusqaýshylardyń bolýy. Bul – ushý qaýipsizdigin qamtamasyz etýge kómektesedi, ol úshin aviatsiialyq qyzmetkerdiń biliktilik dárejesiniń róli zor. Osy maqsatta QR Indýstriia jáne infraqurylymdy damytý ministrligi qazirgi ýaqytta joǵary mamandandyrylǵan oqý orny mártebesin berýge baǵyttalǵan «Bilim týraly» Qazaqstan Respýblikasynyń Zańyna ózgerister engizý týraly» zań jobasyn usyndy. Bul Akademiiaǵa azamattyq aviatsiia salasynda jáne Qazaqstan Respýblikasynda ushý qaýipsizdigin qamtamasyz etý salasynda básekege qabiletti kadrlardy daiarlaý boiynsha salalyq retteýshilerdiń, halyqaralyq standarttardyń jáne halyqaralyq tájiribeniń talaptaryna sáikes kelýine múmkindik beredi», - delingen baspasóz habarlamasynda.
