Azamattarǵa jańa mindetter men talaptardy belgileitin normalar kem degende 60 kún kúshine enbeidi. Bul týraly QR Ádilet vitse-ministri Natalia Pan aitty, dep habarlaidy "Ult aqparat".
«Keń aýqymdy túsindirý jumystaryn júrgizý jáne azamattardy jańa retteýge daiyndaý úshin memlekettik organdardyń normalardy qoldanysqa engizýdi keminde 60 kúnge keiinge qaldyrýdy kózdeý mindeti engizildi», - dedi Ádilet vitse-ministri Ortalyq kommýnikatsiialar qyzmetindegi baspasóz máslihaty barysynda.
Onyń atap ótýinshe, bul azamattar zańnyń jańa talaptarymen tanysyp, olardy júzege asyrýǵa daiyn bolýy úshin jasalýda.
«Mysaly, eger óndiriste peshter men qazandyqtardy esepke alýdy belgileý qajettiligi týraly norma engiziletin bolsa, onda mundai norma bizneske retteýdiń jańa túrine daiyndalýǵa múmkindik bere otyryp, birden jumys istemeidi», - dedi Natalia Pan.
