Azamattardyń usynysytarynyń árqilylyǵy bilik júiesiniń shalalyǵyn kórsetedi. Bul týraly Memleket basshysy Nursultan Nazarbaev Jumys tobynyń qorytyndy otyrysynda málimdedi, - dep habarlaidy "Ult aqparat" kaz.tengrinews.kz portalyna silteme jasap.
"Azamattar usynǵan pikirlerdiń árqilylyǵy bizdiń kemshiligimizdi jáne bilik júiesindegi shalalyqty kórsetedi. Bizdiń endigide nemen ainalysýymyz kerektigin, ásirese quqyq qorǵaý organdarynyń ármengi isin kórsetedi. Biz de ólim jazasy boiynsha pikir bildirdik, basqa da máseleler boiynsha sóiledik... Jumys toby iriktep, mańyzdylaryn qaldyrýy kerek. Azamattardyń aityp jatqan usynystaryn qabyldaý kerek - árine, barlyǵyn birdei osy kezeńde almaimyz", - dedi Nursultan Nazarbaev.
Prezident azamattardyń barlyq usynysy esepke alynyp, nazarsyz qalmaitynyn aitty. "Eshteńe de turaqtap qalmaidy, protsess júrip jatyr, ómir jalǵasady, barlyǵy damý ústinde. Ýaqyttyń talabymen belgili bir ózgerister engiziletin shyǵar", - dedi Elbasy.
Memleket basshysy Qazaqstannyń prezidenttik respýblika bolyp qalatynyn, biraq reformadan keiin biliktiń ár tarmaǵy tolyq quzyretke ie bolatynyn jáne táýelsiz jumys isteitinin habarlady. "Munyń barlyǵy prezidenttiń quzyretin biliktiń basqa tarmaqtary arasynda úlestirý úshin jasalyp otyryp. Ózge elderde kerisinshe, prezidenttiń quzyretti keńeitý úshin reformalar ótkizilip, Konstitýtsiiaǵa ózgerister engiziledi. Al bizde basqasha, sebebi 25 jyl ishinde basqarýdyń prezidenttiń júiesi alǵa qoiylǵan mindetterdi oryndady", - dedi Nazarbaev.
Osyǵan deiin Jumys tobynyń basshysy Ádilbek Jaqsybekov Prezidentke qazaqstandyqtardyń Konstitýtsiiaǵa usynǵan negizgi ózgeristeri jaily baiandaǵan bolatyn. Jaqsybekovtyń aitýynsha, qazaqstandyqtardan alty myńnan asa usynys kelgen. Olar Konstitýtsiianyń 98 babynyń 63 babyna qatysty máselelerdi qozǵap jatyr. Ol baptar negizgi zańnyń barlyq bólimin qamtidy. Usynystar ár túrli, tek jobalarmen toqtap qalǵan emes. Osylaisha qazaqstandyqtar usynǵan ózgerister birneshe blokka bólindi.
Eske sala keteiik, 2016 jyldyń jeltoqsanynda Nursultan Nazarbaev Táýelsizdiktiń 25 jyldyǵyna arnalǵan merekelik jiynda bilik tarmaqtaryn úlestirý máselesin qarastyrýdy tapsyrǵan bolatyn.
"Sizderdiń nazarlaryńyzǵa elimiz úshin asa mańyzdy, taǵdyrly máseleni usynbaqpyn. Bul - Konstitýtsiia men zańdarǵa ózgerister engizý. Bizdiń aldymyzda bilik tarmaqtarynyń ókilettikterin qaita bólý mindeti tur. Qazir zamannyń didary ózgerdi. Biz de ózgerýge tiispiz. Sol sebepti, memlekettiń basqarý júiesin de jańǵyrtatyn kez keldi. Men eldiń múddesi men zamannyń talabyn, urpaqtyń bolashaǵyn oilai otyryp osyndai bailam jasadym", - degen edi Nursultan Nazarbaev qazaqstandyqtarǵa jasaǵan úndeýinde.
2017 jyldyń 11 qańtarynda Qazaqstan Prezidenti biliktiń tarmaqtary arasynda ókilettikterdi qaita bólý máseleleri boiynsha jumys tobymen kezdesken edi. Memleket basshysy otyrysta memlekettik biliktiń tarmaqtary arasynda ókilettikterdi qaita bólý máselesi respýblika damýynyń júieli jáne zańdy kezeńi bolyp tabylatynyn atap ótken bolatyn.
Al 13 qańtarda Aqorda Memlekettik bilik ókilettikterdi qaita bólý máseleleri jónindegi jumys tobynyń tizimin jariialaǵan edi.
24 aqpanda jumys toby "Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly" Qazaqstan Respýblikasy Zańynyń jobasyn búkilhalyqtyq talqylaý merziminiń aiaqtalǵanyn málimdedi.
