Tamyz aiynda Meditsinalyq saqtandyrý qoryna 8 mlrd 156,9 mln teńge kóleminde jarna aýdaryldy, dep habarlaidy "Ult aqparat" atalǵan qordyń baspasóz qyzmetine silteme jasap.
«Tamyz aiynda Meditsinalyq saqtandyrý qoryna 8 mlrd 156,9 mln teńge kóleminde jarna aýdaryldy. Júie iske qosylǵan 2017 jyldyń 1 shildesinen 2018 jyldyń 31 tamyzyna deiingi aralyqta jeke kásipkerler men jumys berýshiler tólegen jarnalardyń jalpy somasy 97 mlrd teńgege jetti» delingen qor aqparattyna.
Atalǵan somanyń 88,4 mlrd teńgesi (91% jýyǵy) jumys berýshilerdiń aýdarymdary bolsa, qalǵan 8,6 mlrd teńgesi (9% jýyǵy) jeke kásipkerler men azamattyq-quqyqtyq kelisimshart negizinde eńbek etetin tulǵalarǵa tiesili.
Aimaqtyq turǵydan alǵanda, jarna tóleý jaǵynan Almaty, Astana qalalary men Qaraǵandy oblysy kósh bastap tur.
Jinaqtalǵan qarjy Ulttyq bankte saqtalady. Bolashaqta MÁMS paketi sheńberindegi qyzmetter aqysyn tóleýge jumsalady. Elimizdiń bas bankimen qarjyny senimgerlik basqarý týraly kelisim bekitilgen.
