Qazaqstan Prezidenti Tsifrlyq damý, innovatsiialar jáne aeroǵarysh ónerkásibi ministri Asqar Jumaǵalievti qabyldady, dep habarlaidy "Ult aqparat" Aqordaǵa silteme jasap.
Memleket basshysyna ministrliktiń qazirgi jumystary men «úlken derekterge» jáne jasandy intellektke taldaý jasaýǵa bailanysty «Tsifrlyq Qazaqstan» memlekettik baǵdarlamasy jobalarynyń júzege asyrylýy týraly baiandaldy.
Qasym-Jomart Toqaev ministrliktiń júrgizip jatqan jumystarynyń ózektiligin atap ótip, kórsetiletin memlekettik qyzmetti jáne jalpy ekonomikany tsifrlandyrýdyń mańyzdy ekenin aitty.
– Búginde túrli dárejede kedergi keltiretin úderisterdiń bárin joiyp, olardy avtomattandyrý kerek. Azamattar sapaly memlekettik qyzmetti eshqandai qiyndyqsyz, avtomatty túrde alýy tiis, – dedi Qazaqstan Prezidenti.
Sonymen qatar, Memleket basshysyna elimizdegi qalyptasyp jatqan innovatsiialyq ekojúie men onyń negizi sanalatyn «Astana Hub» IT-startaptar halyqaralyq tehnoparki týraly málimet berildi. Asqar Jumaǵalievtiń aitýynsha, qazirgi tańda tehnopark qalypty jaǵdaida jumys isteidi jáne onyń áleýeti tolyqqandy paidalanylýda. 260-tan astam kompaniia akseleratsiiadan ótti. Sonyń arqasynda Qazaqstanǵa 28 milliard teńgege jýyq qarjy tartyldy.
