«Jasyl el» jastar eńbek jasaqtary respýblikalyq shtabynyń jetekshisi Azamat Daniiar Prezidenttik jastar kadr rezervi jóninde óz pikirimen bólisti, dep habarlaidy QazAqparat.
«Jastar jyly jastarǵa qajetti jańa jobalardyń dúniege kelip, iske asýyna septigin tigizdi, jańa múmkindikterge toly boldy. Kóptegen jastar júzege asyrylǵan jobalardan ózderin taba aldy. Osyndai mańyzdy jobalardyń biri – Prezidenttik jastar kadrlyq rezervi. Bul joba kadrlardy daiarlaý men ilgeriletý júiesiniń jetilgenin kórsetti. Búgin ǵana biz TOP-300 jas quramyna kirgen tizimmen tanystyq. Shynaiy janashyrlyqpen, úlken abyroimen qyzmetin atqaryp júrgen áriptesterimdi tizimnen taba alǵanyma qýanyshtymyn. Memleket basshysy atap ótkendei, kadrlyq rezervtiń jastar úshin tiimdi áleýmettik liftige ainalatyndyǵyna senemin», - deidi Azamat Daniiar.
Onyń aitýynsha, Prezidenttik jastar kadr rezervi - bolashaqta memleketimizdiń basshylyq qyzmetterine úmitker jas kóshbasshylardy biriktiretin orta.
«Qazaqstan jastary tek bir salada ǵana myqty dep aitýǵa kelmeidi. Ár salada úzdik tanylyp júrgen jastarymyz jeterlik. Sondyqtan, kez kelgen salada básekege qabilettimiz dep esepteimin», - dedi «Jasyl el» jastar eńbek jasaqtary respýblikalyq shtabynyń jetekshisi Azamat Daniiar.
«Jasyl el» jastar eńbek jasaqtary qatarynda 14 jyl kóleminde 300 000-nan asa jastar jumyspen qamtyldy. 2017 jyly «Jasyl el – Jańarý» jobasy aiasynda uiymnyń jumys úlgisine ózgerister engizilip, ekologiialyq baǵytqa bet burdyq. Osynyń negizinde biyl #TrashtagKZ, ECO Pack syndy Qazaqstannyń barlyq aimaqtarynda 100-ge jýyq ekologiialyq naýqandar júzege asyryldy. Búldirshinderdiń ekologiialyq saýatyn arttyrý boiynsha mýltfilmder jelisi ázirlengen edi.
Aita keteiik, kúni keshe Prezidenttik jastar kadr rezervine engen 300 qazaqstandyqtyń esimderi jariialanǵan edi.
.jpeg)