Venada EQYU Syrtqy ister ministrleri keńesiniń 24-shi otyrysy ótti, dep habarlaidy "Ult aqparat" SIM baspasóz qyzmetine silteme jasap.
Eýropadaǵy qaýipsizdik jáne yntymaqtastyq uiymyna qatysýshy elderdiń syrtqy saiasi vedomstvolarynyń basshylary EQYU Syrtqy ister ministrleri keńesiniń 24-shi otyrysyna jáne Uiymnyń ózekti mindetterin, sondai-aq eýro-atlantikalyq jáne eýraziialyq keńistiktegi syn-tegeýrinderdi talqylaý úshin Venada jinaldy.
Otandyq delegatsiiany Syrtqy ister ministri Qairat Ábdirahmanov basqaryp bardy jáne onyń baiandamasy Keńestiń birinshi plenarlyq otyrysyn ashty.
Qairat Ábdirahmanov otyrys qatysýshylaryna joldaǵan úndeýinde Qazaqstan Prezidentiniń belsendi qyzmetiniń arqasynda Uiymnyń HHI ǵasyrda qabyldanǵan jalǵyz saiasi qujaty - 2010 jylǵy EQYU Sammitiniń Astana deklaratsiiasynda belgilengen ideialary men qaǵidattardyń ózektiligi saqtalatynyn atap ótti.
Q. Ábdirahmanov áriptesteriniń nazaryn jalpyǵa ortaq dialog pen janjaldy jaǵdailarǵa birlese jaýap qaitarý jáne olardyń aldyn alý boiynsha kelisilgen is-sharalardy júzege asyrýdy jalǵastyrýdyń mańyzdylyǵyna aýdarypty. Sonymen birge, Qazaqstannyń basymdyqtary BUU Qaýipsizdik Keńesiniń turaqty emes múshesi jáne Eýraziia aýmaǵyndaǵy mediatsiia áreketteri retinde anyqtalady.
Qazaqstandyq diplomat Jahandyq lańkestikke qarsy koalitsiia men Terrorizm men ekstremizmge qarsy jahandyq is-qimyl boiynsha áreket kodeksin qurý týraly Prezident Nursultan Nazarbaevtyń negizgi bastamalaryn usynyp, EQYU-nyń ShYU, UQShU jáne 2018 jyly Qazaqstan tóraǵalyq etetin Aziia keńesimen ózara yqpaldastyǵyn nyǵaitý úshin naqty qadamdardy iske asyrýǵa shaqyrdy.
Ministr aǵymdaǵy jáne bolashaqtaǵy qaýipsizdik salasyndaǵy áskeri syn-tegeýrinder boiynsha qurylymdy dialogtyń bastalǵanyn joǵary baǵalady. Bul mehanizm senimdi qalpyna keltirý jáne áskeri belsendiliktiń, áskerler kontsentratsiiasynyń jáne onyń saldary retinde áskeri oqiǵalar qaýpiniń ósýine jol bermeý maqsatynda EQYU aýmaǵyndaǵy qarý-jaraqqa baqylaý jónindegi dialogty iske qaita qosý úshin arnalǵan. Elimizdiń oǵan belsendi qatysýyna ázirligi aityldy.
Qazaqstan tarapynyń pikirinshe, EQYU sheńberinde pátýa, turaqtylyq pen yntymaqtastyqty qurý boiynsha Uiymnyń ekonomikalyq-ekologiialyq ólshemi de syndarly ról atqarýy tiis. Bul baǵytty odan ári damytýdyń negizi - Prezident N.Nazarbaevtyń bastamalaryna tolyǵymen sáikes keletin jahandyq jáne óńirlik integratsiialyq úrdisterdi biriktirý bolýy múmkin.
Sonymen qatar, Q. Ábdirahmanov EQYU-nyń Bas hatshysy Tomas Grimingerdiń taqyryptyq missiialardy qurý jónindegi bastamasyn quptady. Bul turǵyda Qazaqstan syrtqy saiasi vedomstvosynyń basshysy EKSPO-2017 alańyn Astanada «EQYU-nyń ózara bailanys jáne jasyl ekonomika jónindegi ortalyǵyn» ornalastyrý úshin qoldanýdy usyndy.
Qazaqstan Syrtqy ister ministriniń tóraǵalyǵymen ótetin SIMK qarsańynda taraptar EQYU-nyń kún tártibindegi tásilder jáne eki uiym arasyndaǵy yntymaqtastyqtyń ózekti máseleleri boiynsha pikir almasý oryn alǵan UQShU-ǵa múshe-memleketter syrtqy ister ministrleriniń beiresmi kezdesýi ótti. Mundai yntymaqtastyqtyń yqtimal baǵyttary retinde Qazaqstan, UQShU-ǵa tóraǵalyǵynyń óziniń basymdyqtary turǵysynda, terrorizm, kiberqaýipsizdik jáne zańsyz esirtki ainalymyna qarsy kúreske erekshe nazar bólýdi usyndy.
Birinshi kúni SIMK aiasynda Q.Ábdirahmanov Aýstriia, Italiia, Makedoniia, Mońǵoliia, Niderland, Estoniia men Eýropalyq Odaq delegatsiialarynyń basshylarymen ekijaqty kezdesýler ótkizip, áriptesterimen ekijaqty jáne kópjaqty yntymaqtastyqtyń ózekti máselelerin talqylady.
Eýropalyq seriktestermen oryn alǵan pikir almasýlar barysynda otandyq diplomat Qazaqstan men Eýropa elderiniń azamattary arasyndaǵy bailanystardy nyǵaitý, onyń ishinde vizalyq rejimdi jeńildetý qajettigin atap ótti.
EQYU-nyń is basyndaǵy tóraǵasy - Aýstriianyń Syrtqy ister jáne integratsiia ministri Sebastian Kýrtspen kezdesýi barysynda Qazaqstan-Aýstriia qarym-qatynastarynyń búkil máseleleri boiynsha pikir almasý oryn aldy. Erekshe nazar saýdany ártaraptandyrý múmkindikterine qoiylyp ekonomikalyq yntymaqtastyqtyń damýyna, sondai-aq quqyq qorǵaý organdary arasyndaǵy tikelei bailanys ornatýdy, ekijaqty kelisimderge qol qoiý jáne Qazaqstannyń Eýropa Keńesiniń quqyqtyq quraldaryna qosylýdy qamtityn quqyq salasyndaǵy yntymaqtastyqqa aýdaryldy.
Sonymen qatar, Q.Ábdirahmanov S. Kýrts basqaryp otyrǵan Aýstriialyq halyq partiiasynyń biylǵy qazan aiynda parlamenttik sailaýyndaǵy jeńisimen quttyqtady jáne úkimet qalyptastyrýda tabystar tilep, Qazaqstanǵa saparmen kelýge shaqyrdy.
Eýropalyq Odaq Syrtqy saiasi qyzmetiniń Bas hatshysy Helga Shmitpen jahandyq kún tártibi boiynsha kólemdi áńgime boldy. Diplomattar Irannyń iadrolyq baǵdarlamasy jónindegi birlesken keshendi is-qimyl josparyn júzege asyrý máselelerin, Taiaý Shyǵys jáne Aýǵanstandaǵy ahýaldy egjei-tegjei qarastyrdy. Eýropalyq tarap Qazaqstan Prezidentiniń iadrolyq qarýdy taratpaý jáne qarýsyzdaný salasyndaǵy kúsh-jigerin, sondai-aq eýraziialyq qurlyǵyndaǵy janjaldy jaǵdailardy retteý úderisindegi rólin atap ótti.
