© Photo: Pixabay / StockSnap
Qazaqstanda blogerler jalǵan aqparat taratqany úshin ákimshilik jaýapkershilikke tartylady, dep habarlaidy Sputnik Qazaqstan.
Zańda Qazaqstan Respýblikasynyń Ákimshilik quqyq buzýshylyq týraly kodeksi jańa 456-2 bappen tolyqtyryldy. Onda onlain platforma paidalanýshylary men blogerlerge jalǵan aqparat taratqany úshin ákimshilik jaýapkershilik qarastyrylǵan.
Ákimshilik aiyppul somasy:
• jeke tulǵalar úshin 20 AEK;
• kásipkerlik qyzmetpen ainalysatyn blogerler úshin – 30 AEK;
• shaǵyn kásipkerlik sýbektileri, kommertsiialyq emes uiymdar úshin - 40 AEK;
• orta kásipkerlik sýbektileri úshin – 80 AEK;
• iri kásipkerlik sýbektileri úshin-100 AEK.
Sondai-aq bir jylda qaitadan quqyq buzǵany úshin:
• jeke tulǵalarǵa - 40 AEK nemese 10 táýlikke deiingi merzimge ákimshilik qamaýǵa alý;
• blogerlerge - 15 AEK mólsherinde aiyppul nemese 15 táýlikke deiingi merzimge ákimshilik qamaýǵa alý;
• shaǵyn kásipkerlik sýbektileri men kommertsiialyq emes uiymdarǵa - 60 AEK;
• orta kásipkerlik sýbektilerine - 120 AEK;
• iri kásipkerlik sýbektilerine - 250 AEK kóleminde aiyppul salynady.
