Senator Birǵanym Áitimova laiyqty depýtattardy sailaýǵa keńes berdi, - dep habarlaidy kaz.tengrinews.kz.
Aita keteiik, keshe Nazarbaev Qoǵamdyq sanany jańǵyrtý boiynsha memlekettik baǵdarlamany iske asyratyn ulttyq komissiiany qurýǵa jarlyq bergen bolatyn. Al Birǵanym Áitimovaniń aitýynsha, depýtattardyń sanasyn jańartýdyń qajeti joq.
"Depýtattardyń sana-sezimi bar, sanasy joq depýtattar bizde joq. Bizge alǵa qarai jyljý kerek, óz múddelerimizdi batylyraq qorǵaý kerek, jalpy elimizdiń múddesin qorǵaý kerek. Depýtattardy synǵa alǵandy jaqsy kóresizder, al endi men sizderge bir suraq qoiaiyn: olardy kim sailady sonda? Sailaýshylar sailady ǵoi. Sizder senatorlardy máslihat arqyly sailaisyzdar - mine, sizderge. Onda laiyqty bolatyn adamdardy sailańyzdar. Menińshe, halyq laiyqty depýtattardy sailady", - dedi Birǵanym Áitimova.
Senatordyń aitýynsha, ulttyq komissiianyń basty maqsaty - tek jastardyń patriotizmin emes, búkil halyqtyń patriotizmin damytý.
"Menińshe, árbir adamnyń óz Otany úshin jaýapty ekenin seziný, adamgershilik, adaldyq, adami qundylyqtardy sezgeni mańyzdy. Osynyń barlyǵyn qaitarý kerek", - dedi depýtat.
Eske sala keteiik, osyǵan deiin depýtat Prezident Nursultan Nazarbaevtyń qazaqstandyqtarǵa qara kiimge tyiym salýǵa qatysty usynysyna qatysty pikirin bildirgen bolatyn.
