Atmosferalyq aǵyndardyń ótýine bailanysty respýblikanyń basym bóliginde jańbyr jaýyp, naizaǵai oinaidy. Eldiń soltústigindegi birqatar aimaqtarda qatty, ekpindi jel soǵyp, daýyl kóteriledi. Burshaq jaýýy da yqtimal. Ońtústikte shańdy daýyl kútiledi, dep habarlaidy "Ult aqparat".
Qazgidromettiń málimetinshe, Soltústik Qazaqstan oblysynda jeldiń jyldamdyǵy sekýndyna 15-20 metrge, kei jerlerde 23-28 metrge deiin kúsheiedi. Kei jerlerde daýyl turyp, túnde jáne tańerteń tuman túsýi yqtimal. Kúndiz kei jerlerde burshaq jaýady dep kútilýde.
Qaraǵandy oblysynda jyldamdyǵy sekýndyna 15-20 metrge, kei jerlerde 23-28 metrge jetetin jel soǵýy múmkin. Kúndiz birqatar aimaqtarda burshaq túsýi yqtimal.
Aqmola, Pavlodar, Shyǵys Qazaqstan oblystarynda kei jerlerde jeldiń jyldamdyǵy 15-25 metr ainalasynda bolady. Daýyl turyp, tuman túsedi. Kúndiz burshaq jaýýy yqtimal.
Qostanai oblysynyń kei jerlerinde jyldamdyǵy sekýndyna 15-20 metrge baratyn jel soǵady. Kei jerlerde túnde jáne kúndiz tuman túsýi múmkin.
Almaty oblysynyń birqatar aimaqtarynda jyldamdyǵy sekýndyna 17-22 metrge jetetin shańdy aralas qatty jel soǵady.
Jambyl oblysynyń kei jerlerinde jeldiń jyldamdyǵy sekýndyna 15-20 metrge údeidi. Túnde jeldiń jyldamdyǵy 23 metrge deiin kúsheiedi. Sondai-aq, daýyl turýy yqtimal.
Qyzylorda, Túrkistan oblystarynda, Jambyl oblysynyń birqatar aimaqtarynda, sondai-aq, Aqtóbe, Atyraý, Mańǵystaý, Qostanai, Qaraǵandy oblystarynda joǵary órt qaýpi saqtalady.
