Qazaqstandyq rejisser Aisultan Seiitovtiń klipi MTV Video Music Awards syilyǵyna usynyldy. Bul týraly ol óziniń Instagram-stories-inde málim etti, dep habarlaidy QazAqparat.
Aisultan Seiitov amerikalyq rep oryndaýshylary 21 Savage ben J. Cole-diń «A lot» ánine video túsirdi. Klip «Jyldyń úzdik videosy» atalymyna usynyldy.
Sondai-aq, dál osyndai atalymda Billie Eilish «Bad Guy» ánimen, Ariana Grande - «Thank u, next», Jonas Brothers - «Sucker», Lil Nas X jáne Billy Ray Cyrus – «Old Town Road» (Remix) jáne Taylor Swift - «You Need to Calm Down» ánderimen synǵa túsetin bolady.
«A lot» klipiniń túsirilimi osy jyldyń qańtar aiynda Atlantada ótken.
MTV Video Music Awards 2019 syilyǵynyń marapattaý rásimi 26 tamyzda Niý-Djerside ótedi. Osymen 36-ret ótip otyrǵan jyl saiynǵy shoý tikelei efirden kórsetiledi dep kútilýde.
Aisultan Seiitov – qazaqstandyq rejisser, klipmeiker. Niý-Iork kino akademiiasynda «Rejissýra» baǵyty boiynsha bilim alǵan. «Hype Production» prodakshn-kompaniiasymen birge jumys isteidi.
