Qazaqstan fýtbol federatsiiasynda kadrlyq máseleler boiynsha Atqarýshy komitettiń jiyny ótip, FIFA, ÝEFA halyqaralyq uiymdary jáne Ulttyq qaýymdastyqtarmen bailanys boiynsha vitse-prezident mindetin atqarýshy qyzmetine Aisultan Nazarbaev taǵaiyndaldy. Bul týraly QFF resmi saitynda habarlandy.
«2017 jyldyń 28 aqpan kúni Qazaqstan fýtbol federatsiiasy Atqarýshy komitetiniń sheshimimen FIFA, ÝEFA halyqaralyq uiymdary jáne Ulttyq qaýymdastyqtarmen bailanys boiynsha vitse-prezident mindetin atqarýshy qyzmetine Aisultan Nazarbaev taǵaiyndaldy», delingen habarlamada.
Aisultan Nazarbaev 1990 jyly týǵan. Ulybritaniianyń Royal Military Academy Sandhurst oqý ornyn bitirgen. KIMEP ýniversitetiniń magistratýrasyn «biznes-ákimshilendirý» mamandyǵy boiynsha támamdaǵan. Áskeri boryshyn Jambyl oblysyndaǵy Otar stansasyna taiaý jerdegi áskeri bólimde, Qorǵanys ministrliginiń bas barlaý basqarmasynda ótegen.
2016 jyly astanalyq «Rahat» klýbynyń sapynda eki match ótkizgen, sondai-aq Qazaqstan jasóspirimder quramasy quramynda Evropa-2006 chempionatynyń irikteý týrnirine qatysqan.
Stýdent shaǵynda Angliianyń «Chelsi» jáne «Portsmýt» jastar komandalarynda oinaǵan. «Portsmýt» sapynda óner kórsetken jyldary jastar arasyndaǵy Angliia chempionatynyń qola júldesin jeńip alǵan.
