Belgili aitysker aqyn Ainur Tursynbaeva jezókshelerdi qamshymen sabaǵan reper Jan Ahmadievtiń videosyna qatysty pikirin bildirdi, dep habarlaidy Sputnik Qazaqstan tilshisi.
"Shynyn aitsam, men Jan Ahmadievti tanymaidy ekenmin. Ótkende maǵan bir kisi jazypty "qazaqtyń qyzdaryn qamshymen uryp jatyr, siz nege instagramda soǵan ún qospaisyz?" dep. Men aittym: "aidaladaǵy jezózekshelerdi bireý baryp qamshymen urady eken, nege men ony ózimniń áleýmettik jelimdegi paraqshama salýym kerek. Nege men ony nasihattaýym kerek. Jezózekshe kim, ana jigit kim? Ekeýin de tanymaimyn. Máselen, eger Sáken Maiǵaziev, bolmasa Qydyráli Bolmanov nemese Meirambek Bespaev siiaqty ónerge úlesin qosqan jigitter shyǵyp, "biz osylai bas kóteremiz, mynadai bassyzdyqqa jol bermeimiz" dese túsinemin. Olar azamat retinde qalyptasty, ónerge úlesin qosty, el aldynda júrgen tulǵa. Al myna kisini tanymaimyn. Múmkin, ataq shyǵarý dep qabyldaý kerek shyǵar", — dedi aitysker aqyn OKQ-de ótken baspasóz máslihatynda.
Eske salyp ótsek, YouTube-te "jezókshelerdi qamshymen qýyp júrgen" reperdiń videosy jariialanǵan edi. Beinejazbada Jan Ahmadiev qalany aralap júrip, joldyń shetinde turǵan jezókshelermen sóilesedi. Áńgime barysynda ol kenetten qamshy alyp shyǵyp, qyzdardyń birin sabai bastaidy. Qaznetti "jarǵan" video qazirgi ýaqytta YouTube jelisinen óshirilgen. Keiinirek ishki ister ministrligi videony tekserip, reper Jan Ahmadiev kóshedegi áielderdi qamshymen sabamaǵany anyqtaldy. Ol videoǵa áieli men tanystaryn túsirgen eken.
