بەلگٸلٸ ايتىسكەر اقىن اينۇر تۇرسىنباەۆا جەزٶكشەلەردٸ قامشىمەن ساباعان رەپەر جان احماديەۆتٸڭ ۆيدەوسىنا قاتىستى پٸكٸرٸن بٸلدٸردٸ, دەپ حابارلايدى Sputnik قازاقستان تٸلشٸسٸ.
"شىنىن ايتسام, مەن جان احماديەۆتٸ تانىمايدى ەكەنمٸن. ٶتكەندە ماعان بٸر كٸسٸ جازىپتى "قازاقتىڭ قىزدارىن قامشىمەن ۇرىپ جاتىر, سٸز نەگە ينستاگرامدا سوعان ٷن قوسپايسىز?" دەپ. مەن ايتتىم: "ايدالاداعى جەزٶزەكشەلەردٸ بٸرەۋ بارىپ قامشىمەن ۇرادى ەكەن, نەگە مەن ونى ٶزٸمنٸڭ ەلەۋمەتتٸك جەلٸمدەگٸ پاراقشاما سالۋىم كەرەك. نەگە مەن ونى ناسيحاتتاۋىم كەرەك. جەزٶزەكشە كٸم, انا جٸگٸت كٸم? ەكەۋٸن دە تانىمايمىن. مەسەلەن, ەگەر سەكەن مايعازيەۆ, بولماسا قىدىرەلٸ بولمانوۆ نەمەسە مەيرامبەك بەسپاەۆ سيياقتى ٶنەرگە ٷلەسٸن قوسقان جٸگٸتتەر شىعىپ, "بٸز وسىلاي باس كٶتەرەمٸز, مىناداي باسسىزدىققا جول بەرمەيمٸز" دەسە تٷسٸنەمٸن. ولار ازامات رەتٸندە قالىپتاستى, ٶنەرگە ٷلەسٸن قوستى, ەل الدىندا جٷرگەن تۇلعا. ال مىنا كٸسٸنٸ تانىمايمىن. مٷمكٸن, اتاق شىعارۋ دەپ قابىلداۋ كەرەك شىعار", — دەدٸ ايتىسكەر اقىن وكق-دە ٶتكەن باسپاسٶز مەسليحاتىندا.
ەسكە سالىپ ٶتسەك, YouTube-تە "جەزٶكشەلەردٸ قامشىمەن قۋىپ جٷرگەن" رەپەردٸڭ ۆيدەوسى جارييالانعان ەدٸ. بەينەجازبادا جان احماديەۆ قالانى ارالاپ جٷرٸپ, جولدىڭ شەتٸندە تۇرعان جەزٶكشەلەرمەن سٶيلەسەدٸ. ەڭگٸمە بارىسىندا ول كەنەتتەن قامشى الىپ شىعىپ, قىزداردىڭ بٸرٸن ساباي باستايدى. قازنەتتٸ "جارعان" ۆيدەو قازٸرگٸ ۋاقىتتا YouTube جەلٸسٸنەن ٶشٸرٸلگەن. كەيٸنٸرەك ٸشكٸ ٸستەر مينيسترلٸگٸ ۆيدەونى تەكسەرٸپ, رەپەر جان احماديەۆ كٶشەدەگٸ ەيەلدەردٸ قامشىمەن ساباماعانى انىقتالدى. ول ۆيدەوعا ەيەلٸ مەن تانىستارىن تٷسٸرگەن ەكەن.
