sýret ashyq derekkózden alyndy
Aitysker aqyn Ainur Tursynbaeva 4 jyldyń ishinde alǵash ret suhbat berip, kúieýi túrmede bolǵanda qalai qinalǵanyn, el ishinde kúieýi týraly taraǵan qaýesetke jaýap berdi, - dep habarlaidy Massaget.kz portaly.
Ol bul týraly Nurseiit Jylqyshybaiǵa bergen suhbatynda bólisti. Aqynnyń sózinshe, ol kúieýimen áleýmettik jeli arqyly tanysqan.
"Qiyn boldy, árine, maǵan. Biraq men ol kezde bul meniń synalatyn tusym dep oiladym. Ystambulda bolǵanda jalǵyzsyradym, biraq qinaldym dep aitpaimyn. Ol kisige "eger myqty bolsań, aiaǵyna deiin alyp shyǵasyń" dedim. Ol jazyqsyz boldy ǵoi. Tipti jazyǵy bolǵan joq. Túrkiiada 20-100 jylǵa deiin jaza taǵaiyndai beredi. Qandai jaza bolsa da, aqyretke deiin birge bolamyz dep ýáde berdik", - dedi Ainur Tursynbaeva.
Óner iesi, sondai-aq, kúieýiniń minezi týraly aitty. Onyń sózinshe, kúieýi - názik ári jumsaq jan.
"Erekshe adam. Kóp dosy syi-qurmet kórsetip jatady ǵoi. Onyń búgin 10 milliony bar, erteń 10 teńgesi de bolmai qalýy múmkin. Ol qolyndaǵysyn tarata salady. Adamdar ony Túrkiiaǵa ádeii izdep keledi. Nurjan ony tanymai, ol kim dese, "buryn qinalyp júrgende kóligińizdi berip edińiz ǵoi" dep izdep kelgender boldy. "Qonaqqa jalǵyz atyn soiyp berip, júgen ustap qalady-aý erteńine" degen osy kisige aitylǵan", - deidi ol.
Ainur Tursynbaeva kúieýi Nurjannyń laqapaty týraly da bólisti.
"Ol "Nois degen atynyń ózi qorqynyshty, birtúrli" deitinder bar. Ol laqapaty mektepti shýlatyp júrgende muǵalimderiniń qoiǵan aty eken. El qylmys áleminde júrgen dep aityp júr ǵoi, biraq onyń qasyna 6 kún júrgen adam tańǵalady. Negizi, ol - jany jumsaq jan. Tipti romantikalyq filmderdi kórse jylap qalýy múmkin", - deidi aqyn.
