Memleket menshigindegi joǵary oqý oryndaryn jekeshelendirýge bolmaidy. Bul týraly QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Joǵary oqý oryndary memlekettik kásiporyndardan aktsionerlik qoǵamdarǵa ózgergennen keiin akademiialyq ortada ýniversitetterdi jekeshelendirýge bailanysty túsinispeýshilikter paida boldy. Ásirese, bul máseleni ál-Farabi atyndaǵy QazUÝ, Sátbaev ýniversiteti, Abai atyndaǵy QazUPÝ, E.A. Bóketov atyndaǵy QarMÝ oqytýshylary kóterdi», - dep jazdy ministr Facebook paraqshasynda.
Onyń atap ótýinshe, Bilim jáne ǵylym ministrligi atalǵan máseleni túpkilikti sheshý úshin zańǵa túzetýler engizýge bastamashylyq jasaǵan.
«Endi 100 paiyz memlekettiń menshigindegi joǵary oqý oryndaryn jekeshelendirýge múmkindik bolmaidy. Demek bul ýniversitetter memlekettiń menshiginde qalady. Bul zań jobasy endi Senatta qaralady. Eger senatorlar qoldasa, Memleket basshysynyń qaraýyna jiberiledi», - dedi Ashat Aimaǵambetov.
