Bilim jáne ǵylym ministri Ashat Aimaǵambetov mektepte hidjab kietin oqýshylar jóninde pikir bildirdi, dep habarlaidy Ulysmedia.kz.
«Ministrliktiń tiisti buiryǵy bar. Biz – zaiyrly memleketpiz. Mektepter de - zaiyrly mekemeler. 2016 jyldan bastap qabyldanǵan buiryq bar, ol ózgermedi. Ár kúshin joiǵan joq. Árine, mektep formasyn saqtaý kerek. Biraq shyndyqqa qarap, máseleni jasyrmaýymyz qajet. Osy máselege qatysty (hidjab kiiýge) mektep jasyndaǵy balalardyń mektepke barmai júrgen faktileri bar», - dedi ministr Májilis kýlýarynda.
Onyń aitýynsha, ministrliktiń aldynda turǵan basty másele – osy balalardy mektepke tartý, olardy bilimmen qamtý. Sózine qaraǵanda bilimniń inkliýzivti bolýy óte mańyzdy. Iaǵni osy balalarǵa bilim berilýi kerek.
«Ol onlain formatta da bolýy múmkin. Qazir mektepke barmaityn balalar ne istep jatyr? Mysaly, ol balalar «shetelde oqimyz» dep mektepten qujattaryn alyp ketedi. Biraq shyn máninde olar Qazaqstannyń shekarasyn asyp, eshqaida barmaidy. Iaǵni olar elimizde onlain bilim bolmaǵandyqtan kórshi memleketterdiń onlain-mektepterinde oqyp jatyr. Al keibiri múlde mektepte oqyp jatqan joq. Bizge buǵan jol berýge bolmaidy. Balalarymyz mindetti túrde bilim alýy kerek», - dedi ministr.
