Qazaqstanda orta mektepterde bilim alatyn 300 myń oqýshynyń kompiýteri joq. Bul týraly Ortalyq kommýnikatsiialar qyzmetindegi brifingte QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Aýyldaǵy mektepterdiń kóbinde internet joq desek, ol tek aýyldaǵy mektepterge qatysty másele emes. Bizdiń keibir úlken nemese shaǵyn qalalardyń ózinde jalpy tehnikalyq múmkindik bolǵannyń ózinde biraz oqýshylarymyzdyń úilerinde múldem kompiýter joq. Tehnikalyq múmkindigi bar balalardy internetke qosý máselesi de bar. Sondyqtan jergilikti atqarýshy organdar bul baǵytta jumysty bastap ketti. Tehnikalyq múmkindigi bar, biraq, internetke qosylmaǵan balalardy internete qosý jumystaryn bastap, ákimdikter bul jumyspen qyzý ainalysýda», - dedi ministr.
Onyń atap ótýinshe, kompiýterdiń jetispeýshiligi de úlken másele bolyp tur.
«Interneti, tehnikalyq múmkindigi bar, biraq kompiýteri joq degen 300 myńnan astam bala bar. Olarǵa qatysty aqparat jetkilikti. Sondyqtan bul máseleni sheshýdiń eki jolyn kórip otyrmyz. Birinshi - bizdiń mektepterdiń balansyndaǵy kompiýterlerdi balalarǵa ýaqytsha berý. Bul jumysty bastadyq. Mysaly, Nur-Sultan, Almaty qalalary belsendi júrgizip jatyr. Aitalyq, Almaty qalasy 10 myńnan astam kompiýterdi taratyp úlgerdi. Mektepterdiń kompiýterlerin ýaqytsha paidalaný boiynsha arnaiy aktimen ata-analarǵa, balalarǵa berip jatyrmyz», - dedi ol.
Ashat Aimaǵambetov mektep kompiýterleri de jetkiliksiz ekendigin jasyrmady.
«Sondyqtan biz qosymsha kompiýterler satyp alý jumysyn júrgizip jatyrmyz. Satyp alý jumysy bastaldy. Bizdiń oiymyzsha, 80 myńǵa jýyq kompiýter satyp alynady. Onyń ishinde kompiýterler, planshetter bar. Tiisti taldaý jasap kórdik. Jalpy, elimiz boiynsha osynsha kompiýter sany jetkilikti dep aita almaimyz. Sondyqtan birneshe jerden izdep, kompiýter bar jerden kompiýter alyp, joq bola planshetter alyp, túrli joldaryn qarastyrý arqyly sheship jatyrmyz», - dedi ministr.
Onyń atap ótýinshe, ustazdarymyzdyń da keibiriniń úiinde internet, keibirinde kompiýter joq.
«Sondyqtan da ustazdarymyzdy da tiisti qural-jabdyqpen qamtý boiynsha jumys júrgizlip jatyr», - dedi elimizdiń bas muǵalimi.
