Qazaqstandyq ǵalymdar ázirlegen COVID-19-ǵa qarsy vaktsina jaqsy nátije kórsetti. Bul týraly QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Ózderińiz biletindei, qysqa merzimniń ishinde ǵalymdarymyz COVID-19-ǵa qarsy 2 vaktsinany daiyndady. Dúniejúzilik densaýlyq saqtaý uiymy ol vaktsinalar boiynsha sheshim qabyldap, óz tizimine engizdi. Bizdiń inaktivtelgen vaktsinamyz qazirgi ýaqytta klinikaǵa deiingi kezeńnen ótip, óte jaqsy nátijeni kórsetti. Sýbbirliktik vaktsinamyzǵa klinika aldyndaǵy zertteý jumystaryn júrgizýdemiz. Munan bólek, úsh platforma boiynsha vaktsina daiyndaý ústindemiz», - dedi ministr pedagogtar men bilim jáne ǵylym salasy qyzmetkerleriniń respýblikalyq tamyz keńesinde.
Onyń atap ótýinshe, klinikaǵa deiingi synaq nátijesi atalǵan vaktsinalardyń qaýipsiz ekendigin kórsetken.
«Aldyn ala nátijeleri óte jaqsy. Atalǵan institýttyń bazasynda bio-farmatsevtikalyq zaýyt salynyp jatyr. Ol GMP standarty boiynsha immýndyq-biologiialyq preparttar shyǵaratyn bolady», - dedi Ashat Aimaǵambetov.
