QR Bilim jáne ǵylym ministri Ashat Aimaǵambetov balabaqsha, mektep pen kolledjde qaǵazbastylyqtan arylatyn kún kelgenin málimdedi, dep habarlaidy "Ult aqparat".
«Pedagogtardan negizgi tórt qujat talap etiledi. Onyń ishinde muǵalim tek ekeýin ǵana kúndelikti júrgizip otyrady. Olar: dástúrli sabaq jospary men synyp jýrnaly. Qalǵan qujattar, iaǵni kúntizbelik-taqyryptyq josparlaý (KTJ) men jetekshilik boiynsha qujat bar. Demek qujattar tizimi naqty bekitildi. Qazir orta bilim dárejesinde ony qatań saqtaý kerek», - dedi Ashat Aimaǵambetov Bilim jáne ǵylym ministrliginiń apparattyq otyrysynda.
Ministrdiń aitýynsha pedagogty qosymsha qujat toltyrýǵa mindettegenderge iri kólemde deiin aiyppul salý kózdelgen.
«1 sáýirden bastap bilim sapasyn qadaǵalaý departamentteri osyndai quziretke ie boldy. Olar artyq qaǵazbastylyqty men muǵalimdi mindetinen tys jumysqa tartý máselesin qatty qadaǵalaýy kerek. Bul máselege núkte qoiýýymyz kerek. Balabaqsha, mektep, kolledj bolsyn – qaǵazbastylyqtan arylatyn kún keldi. Naqty buiryq shyqty. Daiyn. Tiisti shara qoldanatyn mekemeler bar. Zańda jáne ákimshilik kodekste tiisti normalar, sanktsiialar men aiyppuldar qarastyryldy. Sondyqtan bul máseleni kúndelikti óz baqylaýymyzda ustaityn bolamyz. Qaǵazbastylyq múlde joiylady. Buiryq tirkeýden ótti. Jergilikti departamentter bul máseleni qatań baqylaýda ustaýy kerek», - dedi Ashat Aimaǵambetov.
