QR Bilim jáne ǵylym ministri Ashat Aimaǵambetov biyl mektep túlekteri úshin qandai artyqshylyqtar bar ekenin aitty, dep habarlaidy "Ult aqparat".
«Biylǵy mektep túlekteri úshin UBT-ǵa daiyndalý úshin jaqsy jaǵdai jasaldy. Birinshiden, olarda úide otyryp daiyndalý múmkindigi boldy. Ekinshiden, bazadaǵy suraqtar. Úshinshiden, qorytyndy attestatsiiadan bosatylǵandyqtan, nazaryn test tapsyratyn pánderge ǵana aýdarýǵa múmkindikteri bar», - deidi Ashat Aimaǵambetov Instagram-daǵy tikelei efirde.
Ol JOO-ǵa túsken kezde attestat baǵasyn negizge alý kerek dep sanaityndarǵa jaýap aitty.
«Bulai bolýy múmkin emes. Biz muny múlde qoldamaimyz, sebebi memlekettik grant konkýrstyq negizde. Bul jerde grant alatyn adamǵa obektivti túrde qaraý kerek. Ekinshiden, bir mektepte alǵan «5» degen baǵa men ekinshi mekteptegi «5» degen baǵa múlde eki túrli. Obektivtilik bolýy úshin UBT ótýi kerek. Biyl qańtar aiynda 11-synyp oqýshylary test tapsyryp kórdi. Qazirgi ýaqytta saitta UBT suraqtary boiynsha 70 nusqa daiyndadyq. Onyń bári – tegin. Munyń bári mektep túlekterine UBT-ǵa jaqsylap daiyndalýǵa múmkindik beredi», - deidi ol.
