Bilim berýdiń dástúrli formatyna oralý qajetti shara. Bul jaiynda QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Bilim berýdiń dástúrli formatyna oralý - qajetti shara. Ata-analardyń basym bóligi muǵalimder men oqýshylar bul jańalyqty kópten beri kútti. Taiaýda vedomstvoaralyq komissiia jańa oqý jylyn dástúrli formatta bastaý múmkindigi týraly sheshim qabyldady», - dedi Ashat Aimaǵambetov Tengrinews.kz aqparattyq portalyna bergen suhbatynda.
Ministrdiń atap ótýinshe, bilim berýdiń dástúrli formatyna oralý balabaqshalarǵa da, kolledjder men joǵary oqý oryndaryna da qatysty.
«Biz úshin balalardyń qaýipsizdigi mańyzdy másele. Qajetti uiymdastyrýshylyq daiyndyqty qamtamasyz etýge tiispiz. Sanitarlyq shekteýlerdi, eń aldymen maska rejimin saqtaý kerek. Ekinshi - kvartstaý, dezinfektsiialaý rejimi. Úshinshi – synyptyń bir kabinette bolýy. Iaǵni, kabinettik júie alynyp tastalady. Bir synyp bekitiledi. Úzilis te ártúrli ýaqytta bolady», - dedi ol.
