1, 2, 3-kýrs stýdentteriniń sessiiasyna qatysty ár JOO ózi sheshim qabyldaýy kerek. Bul týraly QR Bilim jáne ǵylym ministri Ashat Aimaǵambetov Instagram jelisindegi tikelei efir barysynda aitty, dep habarlaidy "Ult aqparat".
«JOO-ǵa túskisi keletin túlektiń bári UBT tapsyrýy kerek. Úsh jyl buryn attestat alý úshin jáne JOO-ǵa túsý úshin UBT tapsyrǵan. Al qazir UBT tek JOO-ǵa túsý úshin tapsyrylady. Keibir mamandyqqa túsý úshin UBT-dan bólek shyǵarmashylyq emtihan tapsyrý kerek bolady. Buǵan qatysty kóp másele bolmaidy, JOO-nyń bárine eskertildi», - deidi Bilim jáne ǵylym ministri Ashat Aimaǵambetov.
Ol ár JOO stýdentter sessiiany qalai tapsyratynyn ózi sheshetinin aitty.
«Bilim jáne ǵylym ministrligi biz úshin sheshim qabyldaýy kerek dep oilaityndar bar. 1, 2, 3-kýrs stýdentteriniń sessiiasyna qatysty ár JOO ózi sheshim qabyldaýy kerek. JOO-nyń biri sessiiany jazda ótkizemiz dep sheshse, endi biri aǵymdaǵy baǵa qorytyndysy negizge alynady dep sheshti. Al 4-kýrs stýdentteri keshendi emtihan tapsyryp, diplomdaryn mindetti túrde qorǵaidy», - deidi ol.
Sondai-aq, ministr qashyqtyqtan oqý júiesine kóshýimiz bilim grantynyń kóbeiýine áser etpeitinin jetkizdi.
«Qashyqtyqtan oqý júiesine kóshýimiz bilim grantynyń kóbeiýine áser etpeidi. Kolledjderde bilim grantyn kóbeitý týraly josparymyz bar, sebebi jyl saiyn arnaiy bilim berý salasyn kóbirek qamtimyz», - deidi Bilim jáne ǵylym ministri Ashat Aimaǵambetov.
