QR Bilim jáne ǵylym ministri Ashat Aimaǵambetov Táýelsizdiktiń 30 jyly ishindegi bilim salasy jetistikterin atady, dep habarlaidy QazAqparat.
«Biyl - erekshe jyl, Táýelsizdigimizdiń 30 jyldyǵy. 30 jyldyq bolǵannan keiin osy 30 jyldaǵy jetistikterimizdi aitpasaq bolmaidy. 2000 jyldardyń basynda elimizde 2 myńnan astam apatty jaǵdaidaǵy mektep bolǵan. Sol problemalar negizinen sheshildi. Endi biren-saran mektep qaldy. Táýelsizdik jyldarynda Qazaqstanda 2 myńnan astam jańa mektep salyndy. Balalardy balabaqshamen qamtý kórsetkishi áldeqaida ósti. Memlekettik tilde bilim berý máselelesin alatyn bolsaq, 1991 jyly 2 myń balabaqshada memlekettik tilde tárbie, bilim alýǵa múmkndik bolsa, búgingi kúni 7,5 myń balabaqshada osyndai múmkindik berilip otyr. Balalardyń JOO-larda bilim alý quqyǵyn aitar bolsaq, bul másele boiynsha da sońǵy 3 jyldyń ishinde granttardyń sany 2 esege artty dep aita alamyz. Shákirtaqy da 2-3 jyldyń ishinde 2 ese artyp otyr. Sondyqtan qai salany alsaq ta, alǵa jyljý bar. Memleket óziniń bilim salasynda bergen, Konstitýtsiiada bekitilgen mindettemelerin oryndap otyr», - dedi ministr QR Prezidenti janyndaǵy Adam quqyqtary jónindegi komissiia otyrysy aldynda BAQ ókilderine bergen suhbatynda.
Sonymen qatar ol búgingi otyrysta el azamattarynyń bilim berý salasy boiynsha quqyqtarynyń júzege asýy qaralatyndyǵyn atap ótti.
«Bizdi orta bilim berý, basqa da máseleler boiynsha Konstitýtsiiada bekitilgen tiisti kepildikter bar. Osy kepildikter qazir qalai júzege asyrylyp jatyr degen máseleni qaraimyz», - dedi Ashat Aimaǵambetov.
