قر بٸلٸم جەنە عىلىم مينيسترٸ اسحات ايماعامبەتوۆ تەۋەلسٸزدٸكتٸڭ 30 جىلى ٸشٸندەگٸ بٸلٸم سالاسى جەتٸستٸكتەرٸن اتادى, دەپ حابارلايدى قازاقپارات.
«بيىل - ەرەكشە جىل, تەۋەلسٸزدٸگٸمٸزدٸڭ 30 جىلدىعى. 30 جىلدىق بولعاننان كەيٸن وسى 30 جىلداعى جەتٸستٸكتەرٸمٸزدٸ ايتپاساق بولمايدى. 2000 جىلداردىڭ باسىندا ەلٸمٸزدە 2 مىڭنان استام اپاتتى جاعدايداعى مەكتەپ بولعان. سول پروبلەمالار نەگٸزٸنەن شەشٸلدٸ. ەندٸ بٸرەن-ساران مەكتەپ قالدى. تەۋەلسٸزدٸك جىلدارىندا قازاقستاندا 2 مىڭنان استام جاڭا مەكتەپ سالىندى. بالالاردى بالاباقشامەن قامتۋ كٶرسەتكٸشٸ ەلدەقايدا ٶستٸ. مەملەكەتتٸك تٸلدە بٸلٸم بەرۋ مەسەلەلەسٸن الاتىن بولساق, 1991 جىلى 2 مىڭ بالاباقشادا مەملەكەتتٸك تٸلدە تەربيە, بٸلٸم الۋعا مٷمكندٸك بولسا, بٷگٸنگٸ كٷنٸ 7,5 مىڭ بالاباقشادا وسىنداي مٷمكٸندٸك بەرٸلٸپ وتىر. بالالاردىڭ جوو-لاردا بٸلٸم الۋ قۇقىعىن ايتار بولساق, بۇل مەسەلە بويىنشا دا سوڭعى 3 جىلدىڭ ٸشٸندە گرانتتاردىڭ سانى 2 ەسەگە ارتتى دەپ ايتا الامىز. شەكٸرتاقى دا 2-3 جىلدىڭ ٸشٸندە 2 ەسە ارتىپ وتىر. سوندىقتان قاي سالانى الساق تا, العا جىلجۋ بار. مەملەكەت ٶزٸنٸڭ بٸلٸم سالاسىندا بەرگەن, كونستيتۋتسييادا بەكٸتٸلگەن مٸندەتتەمەلەرٸن ورىنداپ وتىر», - دەدٸ مينيستر قر پرەزيدەنتٸ جانىنداعى ادام قۇقىقتارى جٶنٸندەگٸ كوميسسييا وتىرىسى الدىندا باق ٶكٸلدەرٸنە بەرگەن سۇحباتىندا.
سونىمەن قاتار ول بٷگٸنگٸ وتىرىستا ەل ازاماتتارىنىڭ بٸلٸم بەرۋ سالاسى بويىنشا قۇقىقتارىنىڭ جٷزەگە اسۋى قارالاتىندىعىن اتاپ ٶتتٸ.
«بٸزدٸ ورتا بٸلٸم بەرۋ, باسقا دا مەسەلەلەر بويىنشا كونستيتۋتسييادا بەكٸتٸلگەن تيٸستٸ كەپٸلدٸكتەر بار. وسى كەپٸلدٸكتەر قازٸر قالاي جٷزەگە اسىرىلىپ جاتىر دەگەن مەسەلەنٸ قارايمىز», - دەدٸ اسحات ايماعامبەتوۆ.
