Halyq qaýipsizdik sharalaryn ustaný arqyly qyzmet kórsetý nysandarynyń jumys isteý múmkindigin saqtap qala alady. Qazaqstan kommýnistik halyq partiiasy Ortalyq komitetiniń hatshysy, QR Parlamentindegi atalmysh partiia fraktsiiasynyń jetekshisi Aiqyn Qońyrov osyndai pikirin bildirdi, dep habarlaidy QazAqparat.
«Karantinniń ár qatańdatylýy aqsha tabý múmkindigine, iaǵni tólem qabiletine áser etedi. Bul degenimiz – árbir qazaqstandyqtyń qaýipsizdik sharalaryn saqtaýy naryqtaǵy, dúkenderdegi jáne qyzmet kórsetý salasyndaǵy basqa da obektilerdiń turaqty jumys isteýine yqpal etedi. Ókinishke qarai, azamattar da, shaǵyn jáne orta biznes te karantin sharalarynan zardap shekti. Eger adamdarda erejelerdi buzbai qyzmet kórsetýge jáne taýar satyp alýǵa múmkindik bolmasa, onda kásipkerler tabysyn joǵaltady. Tiisinshe, kóptegen qazaqstandyqtar úshin jumys oryndary jabylady», - deidi «Halyqtyq kommýnister» fraktsiiasynan depýtat Aiqyn Qońyrov.
Onyń aitýynsha, halyq qaýipsizdik sharalaryn ustaný arqyly qyzmet kórsetý nysandarynyń jumys isteý múmkindigin saqtap qalamyz.
«Árine, bul Úkimetti barlyq áleýmettik toptarǵa qoldaý kórsetýdi uiymdastyrý jaýapkershiliginen bosatpaidy. Maskalardyń, antiseptikterdiń, dári-dármekterdiń, sapaly meditsinalyq qyzmetterdiń bolýy máselesin eshkim kún tártibinen shyǵarmaidy.
Biz osy qiyn kezeńde azamattyq sanany kórsetip, bir-birimizdi barynsha qoldaýymyz kerek. Qaýipsizdik erejelerin saqtai otyryp, qyzmet kórsetý nysandaryn paidalaný múmkindigin saqtaimyz. Qazaqstan halqy retinde biz bul synaqqa tek birigý arqyly qarsy tura alatynymyzdy umytpaýymyz qajet», - deidi ol.
