Tórt jasar Aikórkemniń ólimine sebepker bolǵan sarbaz sot sheshimimen 7 jylǵa bas bostandyǵynan aiyryldy, dep habarlaidy "Ult aqparat" Orda.kz portalyna silteme jasap.
Sot deregine sáikes Arman Juman blok posqa jaqyndaǵan kólikke oq atý týraly zańsyz buiryq bergen. Saldarynan kólikte otyrǵan qyz bala Aikórkem Medelhan til tartpai qaitys bolyp ketti.
Osy kúnge deiin sottalýshynyń áreketi zań buzýshylyqqa jatpai, aqtalynyp kelgen bolatyn. Qylmystyq is jabyq sot otyrysynda «qupiia» sanatymen qaraldy. Appeliiatsiialyq shaǵym jábirlenýshi taraptyń narazylyǵy men prokýrordyń narazylyǵynan qaita qaraldy.
«Áskeri sottyń sot alqasy aqtaý úkimin buzyp, jańa úkim shyǵardy. Ol J.-ny Qylmystyq kodekstiń 451-baby 2-bóligi 1-tarmaǵymen (qarý qoldana otyryp, ókilettigin asyra paidalanǵany úshin) kináli dep tanyp, 7 jylǵa bas bostandyǵynan aiyrdy», - dep habarlady sot.
Sondai-aq áskeri qyzmetshiler tarapynan zań buzýshylyqtar men qylmysty jasaýǵa yqpal etken sebepter. Osy jaǵdailardy joiý jáne aldyn-alý maqsatynda Qorǵanys ister ministriniń atyna jeke qaýly shyǵaryldy.
