تٶرت جاسار ايكٶركەمنٸڭ ٶلٸمٸنە سەبەپكەر بولعان سارباز سوت شەشٸمٸمەن 7 جىلعا باس بوستاندىعىنان ايىرىلدى, دەپ حابارلايدى "ۇلت اقپارات" Orda.kz پورتالىنا سٸلتەمە جاساپ.
سوت دەرەگٸنە سەيكەس ارمان جۇمان بلوك پوسقا جاقىنداعان كٶلٸككە وق اتۋ تۋرالى زاڭسىز بۇيرىق بەرگەن. سالدارىنان كٶلٸكتە وتىرعان قىز بالا ايكٶركەم مەدەلحان تٸل تارتپاي قايتىس بولىپ كەتتٸ.
وسى كٷنگە دەيٸن سوتتالۋشىنىڭ ەرەكەتٸ زاڭ بۇزۋشىلىققا جاتپاي, اقتالىنىپ كەلگەن بولاتىن. قىلمىستىق ٸس جابىق سوت وتىرىسىندا «قۇپييا» ساناتىمەن قارالدى. اپپەليياتسييالىق شاعىم جەبٸرلەنۋشٸ تاراپتىڭ نارازىلىعى مەن پروكۋروردىڭ نارازىلىعىنان قايتا قارالدى.
«ەسكەري سوتتىڭ سوت القاسى اقتاۋ ٷكٸمٸن بۇزىپ, جاڭا ٷكٸم شىعاردى. ول ج.-نى قىلمىستىق كودەكستٸڭ 451-بابى 2-بٶلٸگٸ 1-تارماعىمەن (قارۋ قولدانا وتىرىپ, ٶكٸلەتتٸگٸن اسىرا پايدالانعانى ٷشٸن) كٸنەلٸ دەپ تانىپ, 7 جىلعا باس بوستاندىعىنان ايىردى», - دەپ حابارلادى سوت.
سونداي-اق ەسكەري قىزمەتشٸلەر تاراپىنان زاڭ بۇزۋشىلىقتار مەن قىلمىستى جاساۋعا ىقپال ەتكەن سەبەپتەر. وسى جاعدايلاردى جويۋ جەنە الدىن-الۋ ماقساتىندا قورعانىس ٸستەر مينيسترٸنٸڭ اتىنا جەكە قاۋلى شىعارىلدى.
