Aqtóbede sottalýshy S.Bekenovke qatysty qylmystyq is aiaqtaldy. Sot ony 4 jylǵa bas bostandyǵynan aiyrý jazasyn taǵaiyndady, dep habarlaidy "Ult aqparat".
№2 Aqtóbe qalalyq sotynda sottalýshy S.Bekenovke qatysty qylmystyq istiń úkimi oqyldy. Áieliniń betin tilgilep tastaǵan aqtóbelik Qylmystyq kodekstiń «Densaýlyqqa qasaqana aýyr ziian keltirý» baby boiynsha aiypty dep tanyldy.
«S.Bekenov Qylmystyq kodekstiń «Densaýlyqqa qasaqana aýyr ziian keltirý» baby boiynsha aiypty dep tanylyp, 4 jylǵa bas bostandyǵynan aiyrý jazasy taǵaiyndalsyn. Ol jazasyn qaýipsizdigi ortasha túzetý mekemesinde ótesin», - dedi sýdia Janat Qýanyshov.
Aita keteiik, sottalýshy S.Bekenovtyń kinási tolyq dáleldendi. №2 qalalyq sottyń baspasóz qyzmetiniń habarlaýynsha, jábirlenýshi sottalýshyny bas bostandyǵynan aiyrmaýdy suraǵan. Degenmen sot qylmystyq istiń aýyr, qoǵam úshin qaýipti ekenin nazarǵa aldy.
Sot úkimi kúshine engen joq.
