Almatyda tergeý soty áielin uryp soqty degen kúdikpen ustalǵan Baýyrjan Ashyǵalievti 2 aiǵa qamaýǵa alý týraly sanktsiia shyǵardy, dep habarlaidy QazAqparat tilshisi.
«Qalalyq tergeý soty kúdikti Baýyrjan Ashyǵalievti 2 aiǵa qamaý alý týraly bultartpaý sharasyn sanktsiialady. Oǵan kepilmen bosap shyǵýǵa tyiym salyndy. Sonymen qatar, oǵan QR QK 24-babynyń 3-bólimimen, 126-baby 2 bóliminiń 1-tarmaǵymen kózdelgen qylmystardy jasady dep aiyp taǵyldy», - dedi qalalyq sottyń baspasóz qyzmetinen.
Munyń aldynda Jacpot tobynyń ánshisi Kseniia Ashyǵalieva óziniń kúieýi Baýyrjan Ashyǵalievtiń uryp-soqqanyn aityp Feisbýktegi #NeMolchiKZ tobyna shaǵymdanǵan edi. Qylmystyq isti tekserý protsesin politsiia departamentiniń basshysy óz baqylaýyna aldy. Kseniia Ashyǵalieva «Jackpot» tobynyń ánshisi bolsa, onyń kúieýi Baýyrjan Ashyǵaliev - osy topta gitarashy.
Almaty qalalyq Politsiia departamentiniń basshysy Serik Kúdebaev tergeý sharalary týraly aitty.
«Bul derek boiynsha QR QK-niń 24-baby (qorlyq kórsetý) sotqa deiingi tergeý amaldary bastaldy. PD tergeý basqarmasy QR QK-niń 126-babynyń 2-bóligimen (bas bostandyǵynan zańsyz aiyrý) qosymsha is qozǵady»,- dedi Serik Kúdebaev.
