الماتىدا تەرگەۋ سوتى ەيەلٸن ۇرىپ سوقتى دەگەن كٷدٸكپەن ۇستالعان باۋىرجان اشىعاليەۆتٸ 2 ايعا قاماۋعا الۋ تۋرالى سانكتسييا شىعاردى, دەپ حابارلايدى قازاقپارات تٸلشٸسٸ.
«قالالىق تەرگەۋ سوتى كٷدٸكتٸ باۋىرجان اشىعاليەۆتٸ 2 ايعا قاماۋ الۋ تۋرالى بۇلتارتپاۋ شاراسىن سانكتسييالادى. وعان كەپٸلمەن بوساپ شىعۋعا تىيىم سالىندى. سونىمەن قاتار, وعان قر قك 24-بابىنىڭ 3-بٶلٸمٸمەن, 126-بابى 2 بٶلٸمٸنٸڭ 1-تارماعىمەن كٶزدەلگەن قىلمىستاردى جاسادى دەپ ايىپ تاعىلدى», - دەدٸ قالالىق سوتتىڭ باسپاسٶز قىزمەتٸنەن.
مۇنىڭ الدىندا Jacpot توبىنىڭ ەنشٸسٸ كسەنييا اشىعاليەۆا ٶزٸنٸڭ كٷيەۋٸ باۋىرجان اشىعاليەۆتٸڭ ۇرىپ-سوققانىن ايتىپ فەيسبۋكتەگٸ #نەمولچيKZ توبىنا شاعىمدانعان ەدٸ. قىلمىستىق ٸستٸ تەكسەرۋ پروتسەسٸن پوليتسييا دەپارتامەنتٸنٸڭ باسشىسى ٶز باقىلاۋىنا الدى. كسەنييا اشىعاليەۆا «Jackpot» توبىنىڭ ەنشٸسٸ بولسا, ونىڭ كٷيەۋٸ باۋىرجان اشىعاليەۆ - وسى توپتا گيتاراشى.
الماتى قالالىق پوليتسييا دەپارتامەنتٸنٸڭ باسشىسى سەرٸك كٷدەباەۆ تەرگەۋ شارالارى تۋرالى ايتتى.
«بۇل دەرەك بويىنشا قر قك-نٸڭ 24-بابى (قورلىق كٶرسەتۋ) سوتقا دەيٸنگٸ تەرگەۋ امالدارى باستالدى. پد تەرگەۋ باسقارماسى قر قك-نٸڭ 126-بابىنىڭ 2-بٶلٸگٸمەن (باس بوستاندىعىنان زاڭسىز ايىرۋ) قوسىمشا ٸس قوزعادى»,- دەدٸ سەرٸك كٷدەباەۆ.
