Foto: t.me/yyedilov
Qazaqstannyń BAÁ-degi elshisiniń burynǵy keńesshisi Sáken Mamashtyń ústinen «azaptaý» baby boiynsha qylmystyq is qozǵaldy. Bul týraly Ishki ister ministriniń orynbasary Igor Lepeha habarlady. Bul týraly "Ult aqparat" Egemen.kz basylymyna silteme jasap habarlaidy.
«Qazir onyń qaida ekenin aita almaimyn. Birinshiden, materialdar saraptamaǵa jiberildi, onyń qorytyndysy boiynsha sheshim qabyldanady. Saraptamanyń nátijesin kúteiik, jaýap alý qajet, qazir protsessýaldy sharalar júrgizilip jatyr», - dedi ol Májilis kýlýarynda.
Esterińizge sala keteiik, Qazaqstannyń BAÁ-degi elshisiniń keńesshisi bolǵan Sáken Mamashtyń áieli Karina Mamash kúieýinen qorlyq kórip kelgenin aitqan edi. Jábirlenýshiniń aitýynsha, Sáken Mamash on jyl boiy áielin uryp-soqqan. Karina Qazaqstannyń bilik organdarynan ózine arasha túsýdi surady.
Kóp uzamai áiel balalarymen birge Astanaǵa oraldy. Qazir ol «Qorǵaý» daǵdarys ortalyǵynda turyp jatyr.
Al diplomat Sáken Mamash áieliniń aryzynan soń elge shaqyrtylyp, qyzmetinen bosatyldy.
