فوتو: t.me/yyedilov
قازاقستاننىڭ باە-دەگٸ ەلشٸسٸنٸڭ بۇرىنعى كەڭەسشٸسٸ سەكەن ماماشتىڭ ٷستٸنەن «ازاپتاۋ» بابى بويىنشا قىلمىستىق ٸس قوزعالدى. بۇل تۋرالى ٸشكٸ ٸستەر مينيسترٸنٸڭ ورىنباسارى يگور لەپەحا حابارلادى. بۇل تۋرالى "ۇلت اقپارات" Egemen.kz باسىلىمىنا سٸلتەمە جاساپ حابارلايدى.
«قازٸر ونىڭ قايدا ەكەنٸن ايتا المايمىن. بٸرٸنشٸدەن, ماتەريالدار ساراپتاماعا جٸبەرٸلدٸ, ونىڭ قورىتىندىسى بويىنشا شەشٸم قابىلدانادى. ساراپتامانىڭ نەتيجەسٸن كٷتەيٸك, جاۋاپ الۋ قاجەت, قازٸر پروتسەسسۋالدى شارالار جٷرگٸزٸلٸپ جاتىر», - دەدٸ ول مەجٸلٸس كۋلۋارىندا.
ەستەرٸڭٸزگە سالا كەتەيٸك, قازاقستاننىڭ باە-دەگٸ ەلشٸسٸنٸڭ كەڭەسشٸسٸ بولعان سەكەن ماماشتىڭ ەيەلٸ كارينا ماماش كٷيەۋٸنەن قورلىق كٶرٸپ كەلگەنٸن ايتقان ەدٸ. جەبٸرلەنۋشٸنٸڭ ايتۋىنشا, سەكەن ماماش ون جىل بويى ەيەلٸن ۇرىپ-سوققان. كارينا قازاقستاننىڭ بيلٸك ورگاندارىنان ٶزٸنە اراشا تٷسۋدٸ سۇرادى.
كٶپ ۇزاماي ەيەل بالالارىمەن بٸرگە استاناعا ورالدى. قازٸر ول «قورعاۋ» داعدارىس ورتالىعىندا تۇرىپ جاتىر.
ال ديپلومات سەكەن ماماش ەيەلٸنٸڭ ارىزىنان سوڭ ەلگە شاقىرتىلىپ, قىزمەتٸنەن بوساتىلدى.
