Foto:elements.envato.com
Áielin birneshe jerden pyshaqtap, keiin óz-ózine qol jumsamaq bolǵan Aqtóbe turǵyny 11 jylǵa bas bostandyǵynan aiyryldy. Bul týraly Aqtóbedegi Almaty aýdanynyń prokýrory Jasulan Dáýlembaev málimdedi, - dep habarlaidy Tengrinews.kz.
"Aqtóbe qalasy Almaty aýdanynyń prokýratýrasy aiyptaý aktisin jasap, áielin óltirýge oqtalý, sondai-aq qamaýdan qashyp ketý deregi boiynsha kúdikti, Aqtóbe qalasynyń turǵynyn sotqa jiberdi.
Aiyptaý aktsine sáikes, kúdikti mas kúiinde áieline birneshe ret pyshaq suǵyp, keiin sol pyshaqpen óz-ózine qol jumsamaq bolǵan, biraq der kezinde kórsetilgen meditsinalyq kómektiń nátijesinde ol oilaǵanyn iske asyra almady", - dedi Dáýlembaev.
Sot aiyptalýshyny kináli dep taýyp, 11 jylǵa bas bostandyǵynan aiyrdy.
