Qostanaida otbasylyq janjal kezinde áielin óltirgen er adamǵa úkim shyqty, dep habarlaidy "Ult aqparat" oblystyq sottyń baspasóz qyzmetine silteme jasap.
Qostanai oblysynyń qylmystyq ister jónindegi mamandandyrylǵan aýdanaralyq sotynyń úkimimen jubaiyn óltirgeni úshin Qostanai oblysy Áýliekól aýdanynyń turǵyny M. sottaldy.
«2021 jylǵy 6 naýryzda M. Áýliekól aýdany Lavrentevka kentinde bolǵan janjal barysynda ol áielin basyna taqqan oramalymen qylqyndyryp óltirgen. Qylmystyń izin jasyrý jáne qylmystyq jaýapkershilikten qutylý maqsatynda M. áieliniń máiitin eski qudyqqa laqtyrǵan» dep habarlady oblystyq sot.
M. kinási onyń moiyndaýymen, sondai-aq qylmystyq is materialdarymen, onyń ishinde sot saraptamasynyń qorytyndysymen dáleldendi.
«M-nyń birinshi ret sottalyp otyrǵanyn, kinásin moiyndaǵanyn, jasaǵan isine shyn júrekten ókinetinin, kináni aýyrlatatyn mán-jailardyń joǵyn eskere otyryp, sot oǵan eń joǵary qaýipsizdik qylmystyq-atqarý júiesi mekemesinde 10 jyl bas bostandyǵynan aiyrý jazasyn taǵaiyndady. Jábirlenýshi tarapqa moraldyq ziiandy óteý esebinen 5 mln teńge jáne 500 myń teńge ókildik shyǵystar óndirip alyndy», - dep qorytyndylady sotta.
Úkim zańdy kúshine engen joq.
