Astanada áielin liftide soqqyǵa jyqqan er adamǵa qatysty sot úkimi shyqty. Esil aýdanynyń №2 aýdandyq soty ony kináli dep tanydy, - dep habarlaidy Massaget.kz portaly.
"Astana qalasy Esil aýdanynyń №2 aýdandyq soty áielin birneshe ret qatygezdikpen jáne júieli túrde uryp-soǵý arqyly densaýlyǵyna ortasha aýyrlyqtaǵy ziian keltirý deregi boiynsha B.-ǵa qatysty aiyptaý úkimin shyǵardy", - delingen habarlamada.
Sotaldy tergeý barysynda 2018 jyldan 2020 jylǵa deiin júkti ekenin jáne materialdyq turǵyda kúieýine táýeldi ekenin bile tura kúdikti áieline fizikalyq jáne psihologiialyq turǵyda ziian keltirgen.
"Aiyptalýshy B.-nyń kinási dáleldenip, sot qylmystyq quqyq buzýshylyqtardyń jiyntyǵy boiynsha oǵan 4 jyl 8 ai bas bostandyǵynan aiyrý jazasyn taǵaiyndady. Jábirlenýshiniń paidasyna sottalýshydan eki million teńge somasynda moraldyq zalaldyń ótemaqysy jáne 4 million teńgeden asa mólsherde materialdyq zalal óndirildi", - delingen habarlamada.
