Apatqa ushyraǵan "Bek Eir" áýe kompaniiasynyń ushaǵynan qalyp qoiǵan jolaýshy qandai jaǵdai bolǵanyn aityp berdi, dep habarlaidy Sputnik Kazakhstan.
Ashat Ótepov uiyqtap qalyp, Almaty túbinde apatqa ushyraǵan ushaqtan qalyp qoiǵan. Er adam reiske onlain rejiminde tirkelip, áýejaiǵa tańerteńgi 5-te barmaq bolypty. Ony qonaq úi qyzmetkerleri oiatqan, oiatqyshty da qoiǵan eken. Alaida Ótepov qaita uiyqtap ketken.
"Sońǵy eki jyldyń ishinde alǵash ret uiyqtap qalyp, reisti jiberip aldym. Tańerteń 8.30-da tragediia jaily estidim. Týǵan baýyrym meni bortta boldy dep oilapty. Sosyn ol maǵan siltemelerdi jibere bastady, eseńgirep qaldym. Maǵan qońyraý shalyp, búgin ekinshi týǵan kúnim ekenin aityp jatyr. Barlyǵy Alla taǵalanyń qalaýymen, maǵan ekinshi múmkindik berdi. Biraq men mundai kúni qýanbaimyn, óitkeni bul - bizdiń elimiz úshin zor qaiǵy", - dedi Ótepov.
Ol sadaqa beretinin jasyrmady. Ashat Ótepov 34 jasta, úilengen, úsh balasy bar.
"Áielim tańerteń bilipti, ol qońyraý shalyp, jylap jiberdi. Bári jaqsy, uiyqtap qaldym dedim. Kúni buryn eshteńe sezgen joqpyn", - dep tolyqtyrdy ol.
Almatydaǵy ushaq apaty
Qaiǵyly oqiǵa búgin tańerteń boldy. Bek Air áýe kompaniiasynyń "Almaty – Nur-Sultan" baǵytyndaǵy Fokker 100 ushaǵy Talǵar aýdanynda qulady.
Sońǵy málimetterge sáikes, apat 12 adamnyń ómirin qidy. Ushaqta 93 jolaýshy men 5 ekipaj múshesi bolǵan.
Prezidentiń tapsyrmasymen premer-ministr jetekshilik etetin komissiia quryldy. Qaýipsizdik erejelerin buzý baby boiynsha sotqa deiingi tergeý bastaldy. Toqaev 28 jeltoqsandy jalpyulttyq aza tutý kúni retinde jariialady
