اپاتقا ۇشىراعان "بەك ەير" ەۋە كومپانيياسىنىڭ ۇشاعىنان قالىپ قويعان جولاۋشى قانداي جاعداي بولعانىن ايتىپ بەردٸ, دەپ حابارلايدى Sputnik Kazakhstan.
اسحات ٶتەپوۆ ۇيىقتاپ قالىپ, الماتى تٷبٸندە اپاتقا ۇشىراعان ۇشاقتان قالىپ قويعان. ەر ادام رەيسكە ونلاين رەجيمٸندە تٸركەلٸپ, ەۋەجايعا تاڭەرتەڭگٸ 5-تە بارماق بولىپتى. ونى قوناق ٷي قىزمەتكەرلەرٸ وياتقان, وياتقىشتى دا قويعان ەكەن. الايدا ٶتەپوۆ قايتا ۇيىقتاپ كەتكەن.
"سوڭعى ەكٸ جىلدىڭ ٸشٸندە العاش رەت ۇيىقتاپ قالىپ, رەيستٸ جٸبەرٸپ الدىم. تاڭەرتەڭ 8.30-دا تراگەدييا جايلى ەستٸدٸم. تۋعان باۋىرىم مەنٸ بورتتا بولدى دەپ ويلاپتى. سوسىن ول ماعان سٸلتەمەلەردٸ جٸبەرە باستادى, ەسەڭگٸرەپ قالدىم. ماعان قوڭىراۋ شالىپ, بٷگٸن ەكٸنشٸ تۋعان كٷنٸم ەكەنٸن ايتىپ جاتىر. بارلىعى اللا تاعالانىڭ قالاۋىمەن, ماعان ەكٸنشٸ مٷمكٸندٸك بەردٸ. بٸراق مەن مۇنداي كٷنٸ قۋانبايمىن, ٶيتكەنٸ بۇل - بٸزدٸڭ ەلٸمٸز ٷشٸن زور قايعى", - دەدٸ ٶتەپوۆ.
ول ساداقا بەرەتٸنٸن جاسىرمادى. اسحات ٶتەپوۆ 34 جاستا, ٷيلەنگەن, ٷش بالاسى بار.
"ەيەلٸم تاڭەرتەڭ بٸلٸپتٸ, ول قوڭىراۋ شالىپ, جىلاپ جٸبەردٸ. بەرٸ جاقسى, ۇيىقتاپ قالدىم دەدٸم. كٷنٸ بۇرىن ەشتەڭە سەزگەن جوقپىن", - دەپ تولىقتىردى ول.
الماتىداعى ۇشاق اپاتى
قايعىلى وقيعا بٷگٸن تاڭەرتەڭ بولدى. Bek Air ەۋە كومپانيياسىنىڭ "الماتى – نۇر-سۇلتان" باعىتىنداعى Fokker 100 ۇشاعى تالعار اۋدانىندا قۇلادى.
سوڭعى مەلٸمەتتەرگە سەيكەس, اپات 12 ادامنىڭ ٶمٸرٸن قيدى. ۇشاقتا 93 جولاۋشى مەن 5 ەكيپاج مٷشەسٸ بولعان.
پرەزيدەنتٸڭ تاپسىرماسىمەن پرەمەر-مينيستر جەتەكشٸلٸك ەتەتٸن كوميسسييا قۇرىلدى. قاۋٸپسٸزدٸك ەرەجەلەرٸن بۇزۋ بابى بويىنشا سوتقا دەيٸنگٸ تەرگەۋ باستالدى. توقاەۆ 28 جەلتوقساندى جالپىۇلتتىق ازا تۇتۋ كٷنٸ رەتٸندە جارييالادى
