Foto: parlam.kz
Bul týraly partiia tóraǵasy Azat Perýashev Telegram-daǵy arnasynda jariialap, keibir faktiler quqyq qorǵaý organdarynyń nazaryna iligýi múmkin ekenin atap ótti.
"A.Sadyqovtyń partiiadan shyǵarylǵany jóninde jýrnalisterdiń tolassyz suraqtaryna túsinikteme bere keteiin. Partiiamyzdyń atyna A.Sadyqovqa qatysty birqatar shaǵymdar tústi, onda aitylǵan jáittar plenýmda qaralyp, tiisti sheshim shyǵaryldy.
Shaǵymdardyń deni onyń teris is-áreketterine, atap aitqanda, ókilettigin asyra paidalaný men etikalyq normalardy buzýyna bailanysty boldy. Shaǵymdardyń árqaisysy boiynsha jeke-jeke faktiler keltirýge bolatyn bolsa da, bir ǵana mysaldy atap ótý jetkilikti dep oilaimyn", - dep jazdy Perýashev.
Onyń sózinshe, parlamentte (partiiada emes) jumys isteitin bir áiel adam A.Sadyqovtyń birneshe ret uiatsyz usynystar jasap, qysym kórsetkeni týraly aityp aryzdanǵan.
"Ol óziniń sózine dálel retinde vatsabyna A.Sadyqovtan kelip túsken habarlamalardyń skrinin kórsetti (etikalyq sebepterterge bailanysty onyń bopsalaýyna tap bolǵan atalǵan jábirlenýshiniń esimi jasyrylǵan).
Aryzdanýshy 17 sáýirde ózine jazylǵan mundai qorlaý usynystardy jaýapsyz qaldyryp, elemegen eken. Alaida, 15 mamyrda bul áreketter taǵy qaitalanǵan jáne aryzdanýshynyń aitýynsha, A.Sadyqov jynystyq bopsalaýdy júieli túrde basqa kúnderde de jalǵastyrǵan. Biraq, A. Sadyqovtyń depýtattyq qol suǵylmaýshylyqqa ie ekendigýne bailanysty, harrasmentke tap bolǵan jábirlenýshi quqyqtyq qorǵaýǵa júgine almaǵan", - dep jazdy partiia tóraǵasy.
Onyń aitýynsha, pleným barysynda osyndai áshkere bolǵan zańsyz áreketterge jol berilmeitindigi týraly eskertýine jaýap retinde A.Sadyqov «óziniń depýtat ekenin jáne kimge ne qalasa sony aitýǵa quqyly ekendigin» aitqan.
"Sondyqtan, biz bul kedergini alyp tastadyq, al, A.Sadyqovty depýtattyq mártebesinen aiyrý týraly qabyldanǵan sheshim jábirlenýshige ar-namysy men qadir-qasietin qorǵaýǵa múmkindik beredi.
Onyń laiyqsyz minez-qulqynyń basqa da faktileri bar, sonyń negizinde osyndai sheshim qabyldandy. Olardyń keibireýleri quqyq qorǵaý organdarynyń da nazaryn aýdarýy múmkin, ondai jaǵdaida qajetti kómek kórsetýge daiynbyz", - dep jazdy Perýashev.
Perýashev bastapqyda jeke hat almasýdyń skrinshotyn jariialaǵan. Alaida keiin óshirip tastady. Bul áreketin ol bireýdiń habarlamalaryn oqyp, ony jariialaýǵa esh qulqym joq edi dep túsindirdi.
"Alaida, bizdiń únsizdigimizdi bireýler basqasha túsingen siiaqty, suhbattyń birinde ózin 1937 jylǵy repressiialar qurbandarymen salystyryp, "shyndyq" úshin jazym bolǵandai qylyp jetkizgen A. Sadyqov ta soǵan sebepshi.
Bul "shyndyqtyń" da shynaiy bet júzin kórsetýge májbúrmiz, odan basqa da epizodtar men qujattar jeterlik. Pleným naqty faktilerge súiene otyryp A. Sadyqovty partiiadan shyǵarý týraly sheshim qabyldady. Sonyń ishinde, bul jaǵdailardyń (birnesheý) odan da qaýipti saldary bolmas úshin. Ózge adamdardyń ar-namysy men jeke ómirine qatysty bolǵasyn bul jaǵdaidy kópshilik aldyna shyǵarý maǵan óte jiirkenishti bolsa da, osy másele tóńiregindegi daý-damai men alyp-qashpa áńgimelerdiń núktesin qoiýǵa májbúrmin", - dep jazdy ol.
