Mońǵoliia astanasy Ulan-Batyrda ótip jatqan Aziia chempionatynda Qazaqstannyń ulttyq quramasy áielder kúresinen jalpykomandalyq esepte úzdik úshtikke endi, dep habarlaidy QazAqparat.
Qurlyqtyq dodada qazaqstandyq qyzdar eki altyn, eki qola medal aldy.
El quramasynan 68 kelide Madina Baqbergenova finalda qyrǵyzstandyq Meerim Jýmanazarovany jeńip, altynnan alqa taqty. Al 72 kelide Jámila Baqbergenova finalda Sýmire Niikýrany tize búktirip, jeńis tuǵyryna kóterildi.
Sondai-aq qazaqstandyq sportshylardan Juldyz Eshimova (53 keli) jáne Gúlmaral Erkebaeva (76 keli) qola júldege qol sozdy.
Jalpykomandalyq esepte Japoniia (7 altyn, 2 kúmis) jáne Mońǵoliia (4 kúmis, 5 qola) quramasy alǵashqy eki orynǵa jaiǵasty.
Kúres túrlerinen (grek-rim, áielder kúresi, erkin kúres) qurlyqtyq dodaǵa Aziianyń 19 elinen sportshylar keldi.
Eske salsaq, grek-rim kúresinen erler quramasy qorytyndy esepte birinshi oryn alǵan edi.
Qurlyqtyq doda 24 sáýirde máresine jetedi.
