Áielder kúresinen Aziia chempionatyna qatysatyn sportshylardyń esimi anyqtaldy, dep habarlaidy "Ult aqparat".
Búginde áielder kúresinen Qazaqstan ulttyq komandasy Nur-Sultan qalasynda oqý-jattyǵý jiynyn ótkizýde. Nurlan Amanqosov jattyqtyratyn balýan qyzdardyń aldynda eki iri báseke tur. Biri – Úndistanda ótetin Aziia birinshiligi bolsa, ekinshisi – qurlyqtyq litsenziialyq týrnir.
Olympic.kz saityna suhbat bergen bas bapker mańyzdy dodalar aldyndaǵy komanda daiyndyǵyna baǵa berdi.
«Balýan qyzdar joǵary qarqynmen daiyndalýda. Búginde biz Aziia chempionatyna jáne litsenziialyq týrnirge qatysatyn sportshylar tizimin anyqtap qoidyq. Jalpy, qurlyq dodasy men irikteý týrnirinde baq synaityn balýandardy Nurken Ábdirovti eske alýǵa arnalǵan halyqaralyq synda anyqtadyq. 18 aqpan kúni Úndistannnyń Niý-Deli qalasynda Aziia birinshiligi bastalady. Atalǵan synǵa negizinen qosalqy quramdy aparamyz. Komandanyń 80 paiyzy jańarǵan. Úlken býyn ókilderinen Elmira Syzdyqova bar. Álem chempionatynyń qola júldegeri Valentina Islamova kúresedi. Qalǵan qyzdardyń barlyǵy da jas. Tájiribeli Juldyz Eshimova jaraqatynan aiyqqan joq. Sol sebepti, eki jarystan da syrt qalyp otyr. Al Aziia birinshiliginen keminde 2-3 júldemen oralamyz degen oidamyn. Ázirge, naqty qandai medal buiyratynyn boljai almaimyn», - deidi Nurlan Amanqosov.
Aziia chempionatyna qatysatyn Qazaqstan komandasy:
50 keli: Valentina Islamova;
53 keli: Tatiana Ahmetova;
55 keli: Marina Zýeva;
57 keli: Altynai Satylǵan;
59 keli: Mádina Baqbergenova;
62 keli: Aiaýlym Qasymova;
65 keli: Gaýhar Muqatai;
68 keli: Albina Qaiyrgeldinova;
72 keli: Jámila Baqbergenova;
76 keli: Elmira Syzdyqova
