ەيەلدەر كٷرەسٸنەن ازييا چەمپيوناتىنا قاتىساتىن سپورتشىلاردىڭ ەسٸمٸ انىقتالدى, دەپ حابارلايدى "ۇلت اقپارات".
بٷگٸندە ەيەلدەر كٷرەسٸنەن قازاقستان ۇلتتىق كومانداسى نۇر-سۇلتان قالاسىندا وقۋ-جاتتىعۋ جيىنىن ٶتكٸزۋدە. نۇرلان امانقوسوۆ جاتتىقتىراتىن بالۋان قىزداردىڭ الدىندا ەكٸ ٸرٸ بەسەكە تۇر. بٸرٸ – ٷندٸستاندا ٶتەتٸن ازييا بٸرٸنشٸلٸگٸ بولسا, ەكٸنشٸسٸ – قۇرلىقتىق ليتسەنزييالىق تۋرنير.
Olympic.kz سايتىنا سۇحبات بەرگەن باس باپكەر ماڭىزدى دودالار الدىنداعى كوماندا دايىندىعىنا باعا بەردٸ.
«بالۋان قىزدار جوعارى قارقىنمەن دايىندالۋدا. بٷگٸندە بٸز ازييا چەمپيوناتىنا جەنە ليتسەنزييالىق تۋرنيرگە قاتىساتىن سپورتشىلار تٸزٸمٸن انىقتاپ قويدىق. جالپى, قۇرلىق دوداسى مەن ٸرٸكتەۋ تۋرنيرٸندە باق سىنايتىن بالۋانداردى نۇركەن ەبدٸروۆتٸ ەسكە الۋعا ارنالعان حالىقارالىق سىندا انىقتادىق. 18 اقپان كٷنٸ ٷندٸستانننىڭ نيۋ-دەلي قالاسىندا ازييا بٸرٸنشٸلٸگٸ باستالادى. اتالعان سىنعا نەگٸزٸنەن قوسالقى قۇرامدى اپارامىز. كوماندانىڭ 80 پايىزى جاڭارعان. ٷلكەن بۋىن ٶكٸلدەرٸنەن ەلميرا سىزدىقوۆا بار. ەلەم چەمپيوناتىنىڭ قولا جٷلدەگەرٸ ۆالەنتينا يسلاموۆا كٷرەسەدٸ. قالعان قىزداردىڭ بارلىعى دا جاس. تەجٸريبەلٸ جۇلدىز ەشٸموۆا جاراقاتىنان ايىققان جوق. سول سەبەپتٸ, ەكٸ جارىستان دا سىرت قالىپ وتىر. ال ازييا بٸرٸنشٸلٸگٸنەن كەمٸندە 2-3 جٷلدەمەن ورالامىز دەگەن ويدامىن. ەزٸرگە, ناقتى قانداي مەدال بۇيىراتىنىن بولجاي المايمىن», - دەيدٸ نۇرلان امانقوسوۆ.
ازييا چەمپيوناتىنا قاتىساتىن قازاقستان كومانداسى:
50 كەلٸ: ۆالەنتينا يسلاموۆا;
53 كەلٸ: تاتيانا احمەتوۆا;
55 كەلٸ: مارينا زۋەۆا;
57 كەلٸ: التىناي ساتىلعان;
59 كەلٸ: مەدينا باقبەرگەنوۆا;
62 كەلٸ: اياۋلىم قاسىموۆا;
65 كەلٸ: گاۋحار مۇقاتاي;
68 كەلٸ: البينا قايىرگەلدينوۆا;
72 كەلٸ: جەميلا باقبەرگەنوۆا;
76 كەلٸ: ەلميرا سىزدىقوۆا
