© Photo: pixabay.com
Búkil Qazaqstandy dúr silkindirgen oqiǵa byltyr 16 naýryzda bolǵan. Rýdnyida 44 jastaǵy Miller Gennadii kórshisine kerosin quiyp, órtep jibergen.
Qylmys janjaldan týyndaǵan. Órtengen áieldiń qolynda 4 jasar balasy bolǵan. Saldarynan búldirshinniń denesiniń 40%-dan astamy kúise, al anasynyń qoldary kúigen, dep habarlaidy Sputnik Qazaqstan saiiy "TobolInfo" aqparat agenttigine silteme jasap.
Qylmystyq iske bir jyldan soń núkte qoiyldy.
Qostanai oblystyq soty Gennadii Millerdiń psihologiialyq aýytqýy bar dep tanyp, qylmystyq jaýapkershilikten bosatty. Ol arnaiy meditsinalyq mekemege májbúrlep emdeýge jiberildi.
"Sottalýshyǵa qatysty bes meditsinalyq saraptama júrgizildi. Nátijesinde sozylmaly psihikalyq aýrýǵa bailanysty qylmystyq jaýapkershilikke tartyla almaityny belgili boldy. Miller arnaiy esepte turǵan. Jábirlenýshiniń moraldyq zalaldy óteýge 2,5 mln teńge kóleminde azamattyq talabyn qanaǵattandyrý týraly sheshim qabyldandy", - dep túsindirdi sýdia Altynai Saǵyndyqova.
Moraldyq shyǵyndy Gennadii Millerdiń jubaiy tóleidi. Al zardap shekken 4 jasar bala jansaqtaý bóliminde 20 kún jatyp, 10 ret teri plastikasy boiynsha ota jasalǵan.
