Almatyda áielder kiimin kigen ury úiden 4 million teńgeniń gaýhar tasyn urlaǵan, - dep habarlaidy Tengrinews.kz tilshisi Polisia.kz saityna silteme jasap.
Qalanyń kriminaldyq politsiia qyzmetkerleri men Áýezov aýdandyq politsiia basqarmasy qylmyskerdi ustaǵan. Urlyq jasaǵan 50 jastaǵy er adam bolyp shyqqan.
"Kiltti dál tańdaý arqyly qaskúnem bireýdiń páterine kirip, zergerlik buiymdar men aqsha alyp ketken. Ol birneshe ret beinebaqylaý kameralaryna túsip qalǵan. Keiin kúdikti stilin ózgertip, áiel kiimin kiip, jasandy shash taǵyp, urlyqqa barǵan. Ol jasaǵan keiingi qylmys qarashanyń basynda tirkeldi: Jetisý-2 shaǵynaýdanynda páterden 4 million teńgege baǵaly zattar urlanǵan. Qazir ustalǵan azamattyń osyǵan uqsas 8 qylmysqa qatysy bar ekeni dáleldendi", - dedi Almaty qalasy PD kriminaldyq politsiia basqarmasynyń bastyǵy Qýatbek Naýatov.
